ಮುಂಬೈ: ಬಿಎಸ್ಎಫ್ ಯೋಧರೇ ದೇಶದ ನಿಜವಾದ ಹೀರೋಗಳು ಎಂದು ಬಾಲಿವುಡ್ ಸೂಪರ್ ಸ್ಟಾರ್ ಅಕ್ಷಯ್ ಕುಮಾರ್ ಹೇಳಿದ್ದಾರೆ. ಈ ನಿಟ್ಟಿನಲ್ಲಿ ನಮ್ಮ ದೇಶದ ರಕ್ಷಣೆಗಾಗಿ ಜಮ್ಮು ಕಾಶ್ಮೀರದ ಗಡಿಯಲ್ಲಿ ಪ್ರಾಣ ತೆತ್ತ ನೂರಾರು ಯೋಧರಿಗೆ ಗೌರವ ನಮನ ಸಲ್ಲಿಸಿದ್ದಾರೆ.
ಬಿಎಸ್ಎಫ್ ಮುಖ್ಯಸ್ಥರೊಂದಿಗೆ ಅವರು ಬಿಎಸ್ಎಫ್ ಹುತಾತ್ಮ ಯೋಧರ ಸಮಾಧಿ ಸ್ಥಳಗಳಿಗೆ ಭೇಟಿ ನೀಡಿದರು. ಈ ಮೂಲಕ ಕೆಲವು ಸಮಯ ಗಡಿ ಕಾಯುವ ಯೋಧರೊಂದಿಗೆ ಸಮಯ ಕಳೆದರು.
“ನನಗೆ ನಿಮ್ಮನ್ನು ಭೇಟಿ ಮಾಡಲು ಅವಕಾಶ ಸಿಕ್ಕಿರುವುದೇ ಅದೃಷ್ಟ. ನಾನು ರೀಲ್ ಹೀರೋ. ನೀವೆಲ್ಲಾ ರಿಯಲ್ ಹೀರೋಗಳು. ನಾನು ಆಟಿಕೆ ಗನ್ ಗಳೊಂದಿಗೆ ಸೆಣಸಾಡುತ್ತೇನೆ. ನೀವು ನಿಜವಾದ ಗನ್ ಹಿಡಿದು ಶತ್ರುಗಳನ್ನು ಸದೆಬಡಿಯುತ್ತೀರಿ” ಎಂದು ಯೋದರಿಗೆ ಹೇಳಿದರು.
ವಿಶೇಷವೆಂದರೆ ಅಕ್ಷಯ್ ಕುಮಾರ್ ತಂದೆ ಕೂಡಾ ಸೇನೆಯಲ್ಲಿದ್ದರು. ಇತ್ತೀಚೆಗೆ ಉರಿ ದಾಳಿ ನಡೆದ ಮೇಲೆ ಪಾಕ್ ಕಲಾವಿದರ ನಿಷೇಧದ ಚರ್ಚೆ ಬಂದಾಗಲೂ ಅವರು ದೇಶ ಮೊದಲು ಎಂದು ಹೇಳಿಕೆ ನೀಡಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
