ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ಮತ್ತು ಅವರ ಮಗ ಅಭಿಷೇಕ್ ಬಚ್ಚನ್ ಮತ್ತೆ ಉತ್ತರಪ್ರದೇಶದಲ್ಲಿ ಪುನಃ ಕೃಷಿ ಭೂಮಿಯನ್ನು ಖರೀದಿಸಿದ್ದಾರೆ.
ರಾಜಧಾನಿ ಲಖನೌನಿಂದ 23 ಕೀಲೋ ಮೀಟರ್ ದೂರದಲ್ಲಿರುವ ಮುಜಫ್ಫರ್ ನಗರದ ಕಾಕೋರಿ ಎಂಬ ಹಳ್ಳಿಯಲ್ಲಿ ತಂದೆ- ಮಗ ಇಬ್ಬರು ಸೇರಿ 3.2 ಎಕರೆ ಭೂಮಿಯನ್ನು ಕೊಂಡು ಕೊಂಡಿದ್ದಾರೆ.
ಮಂಗಳವಾರ ಲಖನೌನಲ್ಲಿರುವ ಸಬ್- ರಿಜಿಸ್ಟ್ರರ್ ಕಚೇರಿಯಲ್ಲಿ ಖರೀದಿಸಿದ ಭೂಮಿಯ ದಾಖಲಾತಿಗೆ ಸಂಬಂಧಿಸಿದ ಕೆಲಸಗಳನ್ನು ಪೂರೈಸಲಾಯಿತು. ಬಚ್ಚನ್‌ಗಳ ಪರವಾಗಿ ವಕೀಲರಾದ ವಿಶಾಲ್ ಮಲ್ಲೋತ್ರಾ ಮತ್ತು ರಾಜೇಶ್ ಯಾದವ್ ಹಾಜರಿದ್ದರು.
ರೈತರಾಗಬೇಕೆಂಬ ಬಚ್ಚನ್ ಬಯಕೆ ಇಂದು ನಿನ್ನೆಯದಲ್ಲ. 2010ರಲ್ಲಿ ಅವರು ಪತ್ನಿ ಜಯಾ ಬಚ್ಚನ್ ಜತೆ ಇದೇ ಹಳ್ಳಿಯಲ್ಲಿ 10 ಎಕರೆ ಭೂಮಿಯನ್ನು ಖರೀದಿಸಿದ್ದರು.
ಕಳೆದ 2010ರ ಅವಧಿಯಲ್ಲಿ ಅಮಿತಾಬ್ ಮತ್ತು ಅವರ ಪತ್ನಿ ಜಯಾ ಬಚ್ಚನ್ ಅದೇ ಗ್ರಾಮದಲ್ಲಿ ಸುಮಾರು 10 ಎಕರೆ ಭೂಮಿಯನ್ನು ಖರೀದಿಸಿದ್ದರು.
