ಬಾಲಿವುಡ್ ಬಿಗ್ ಸ್ಟಾರ್ ಅಮಿತಾಬ್ ಬಚ್ಚನ್ ಮತ್ತು ಶ್ರುತಿ ಹಾಸನ್ ತಾಯಿ ಕಮಲ್ ಮಾಜಿ ಪತ್ನಿ ಸಾರಿಕಾ ಒಟ್ಟಾಗಿ ನಟಿಸುತ್ತಿದ್ದಾರ? ಬಾಲಿವುಡ್ ನ ಮಂದಿ ಪ್ರಕಾರ ಹೌದು ಎನ್ನುವ ಉತ್ತರ ಕೇಳಿ ಬರುತ್ತಿದೆ. ಅವರ ಪ್ರಕಾರ ಈ ಜೋಡಿ ಒಟ್ಟಾಗಿ ನಟಿಸಲು ಸಿದ್ಧ ಆಗುತ್ತಿದ್ದಾರೆ.
ಆದರೆ ಬೆಳ್ಳಿತೆರೆಯ ಮೇಲೆ ಅಲ್ಲ ಕಿರುತೆರೆಯಲ್ಲಿ. 30 , 35 ಎಪಿಸೋಡ್ ಗಳ ಒಂದು ಧಾರಾವಾಹಿಯಲ್ಲಿ ಈ ಜೋಡಿ ಒಟ್ಟಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದರಲ್ಲಿ ಅಮಿತಾಬ್ ಅವರಿಗೆ ಇಬ್ಬರು ಹೆಂಡತಿಯರು ಇರ್ತಾರಂತೆ. ಮೊದಲ ಪತ್ನಿಯಿಂದ ದೂರ ಆದ ಬಳಿಕ ಅವರು ತಮ್ಮ ಮಗಳನ್ನೇ ಬದುಕಾಗಿ ಮಾಡಿಕೊಂಡು ಜೀವನ ಸಾಗಿಸುತ್ತಾರಂತೆ.
ಆ ಮೊದಲ ಹೆಂಡತಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಸಾರಿಕಾ. ಈ ಧಾರಾವಾಹಿಯಲ್ಲಿ ಅಮಿತಾಬ್ ಹಣವನ್ನು ಹೂಡುತ್ತಿದ್ದಾರೆ. ಈ ವರ್ಷದ ಕೊನೆಯಲ್ಲಿ ಧಾರವಾಹಿ ಪ್ರಸಾರ ಆಗುತ್ತಿದೆ ಎನ್ನುವುದಷ್ಟೇ ಸದ್ಯಕ್ಕೆ ದೊರಕಿರುವ ಸುದ್ದಿ.