ತಮಿಳಿನಲ್ಲಿ ಧನುಷ್ ಅಭಿನಯಿಸಿರುವ ವೆಲೈ ಇಲ್ಲಾ ಪಟ್ಟಧರಿ ಸಿನಿಮಾ ನಿಮಗೆಲ್ಲಾ ಗೊತ್ತೇ ಇದೆ.ಹಾಗೇ ಇದೇ ಸಿನಿಮಾ ಕನ್ನಡಕ್ಕೆ ರಿಮೇಕ್ ಆಗುತ್ತಿರುವ ವಿಚಾರಾನೂ ಹೊಸದೇನಲ್ಲ.ಆದ್ರೀಗ ಇದೇ ಸಿನಿಮಾದ ಕುರಿತಾದ ಇಂಟರೆಸ್ಟಿಂಗ್ ವಿಚಾರವೊಂದು ಇದೀಗ ಹೊರ ಬಿದ್ದಿದೆ. ಈ ಸಿನಿಮಾದ ಕನ್ನಡ ರಿಮೇಕ್ ನಲ್ಲಿ ಅಮಲಾ ಪೌಲ್ ಅವರು ಅಭಿನಯಿಸಲಿದ್ದಾರಂತೆ.
ಈ ಹಿಂದೆ ಅವುಲಾ ಅವರು ವೆಲೈ ಇಲ್ಲ ಪಟ್ಟಧರಿ ಸಿನಿಮಾದಲ್ಲಿ ಶಾಲಿನಿ ಅನ್ನೋ ಪಾತ್ರವನ್ನು ನಿರ್ವಹಿಸಿದ್ದರು. ಅದೇ ಪಾತ್ರವನ್ನು ಅಮಲಾ ಅವರ ಕನ್ನಡದಲ್ಲೂ ನಿರ್ವಹಿಸಲಿದ್ದಾರಂತೆ.ಅಂದ್ಹಾಗೆ ಕನ್ನಡದಲ್ಲಿ ಈ ಸಿನಿಮಾದಲ್ಲಿ ರವಿಚಂದ್ರನ್ ಅವರ ಪುತ್ರ ಮನೋರಂಜನ್ ಅವರು ಅಭಿನಯಿಸುತ್ತಿದ್ದಾರೆ.
ರಾಕ್ ಲೈನ್ ವೆಂಕಟೇಶ್ ಅವರು ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಇದೀಗ ಅವರೇ ಈ ಸಿನಿಮಾದಲ್ಲಿ ಅಮಲಾ ಪೌಲ್ ಅವರು ಅಭಿನಯಿಸುತ್ತಿರೋದನ್ನು ಖಚಿತಪಡಿಸಿದ್ದಾರೆ.ಅಲ್ಲದೇ ಸಿನಿಮಾದ ಕುರಿತಾದ ಇನ್ನಷ್ಟು ಮಾಹಿತಿಯನ್ನು ಶೀಘ್ರದಲ್ಲೇ ನಿಮ್ಮ ಮುಂದಿಡುತ್ತೇವೆ ಅಂತಾ ಅವರು ಹೇಳಿದ್ದಾರೆ.
ಸದ್ಯ ಅಮಲಾ ಅವರು ಕಿಚ್ಚ ಸುದೀಪ್ ಅಭಿನಯಿಸುತ್ತಿರುವ ಹೆಬ್ಬುಲಿ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.ಹೆಬ್ಬುಲಿ ಅಮಲಾ ಅಭಿನಯಿಸುತ್ತಿರುವ ಮೊದಲ ಕನ್ನಡ ಸಿನಿಮಾ. ಆ ಸಿನಿಮಾ ರಿಲೀಸ್ ಆಗುವ ಮೊದಲೇ ಅಮಲಾ ಅವರಿಗೆ ಮತ್ತೊಂದು ಸಿನಿಮಾದಲ್ಲಿ ಅಭಿನಯಿಸುವ ಅವಕಾಶ ಸಿಕ್ಕಿದೆ. ಹಾಗಾಗಿ ಅಮಲಾ ಇನ್ನು ಮುಂದಿನ ದಿನಗಳಲ್ಲಿ ಇನ್ನಷ್ಟು ಕನ್ನಡ ಸಿನಿಮಾಗಳಲ್ಲಿ ಕಾಣಿಸಿಕೊಂಡ್ರೂ ಅಚ್ಚರಿಯೇನಿಲ್ಲ.
ತಾಜಾ ಸುದ್ದಿಗಳನ್ನು ಓದಲು
ಮೊಬೈಲ್ ಆಪ್ ಡೌನ್ಲೋಡ್ ಮಾಡಿಕೊಳ್ಳಿ