ಮುಂಬೈ:1987 ರಲ್ಲಿ ಬಿಡುಗಡೆಯಾದ ಬ್ಲಾಕ್ ಬಸ್ಟರ್ ಸಿನಿಮಾ ಮಿಸ್ಟರ್ ಇಂಡಿಯಾ ಮತ್ತೆ ಸದ್ದು ಮಾಡುತ್ತಿದೆ. ಮಿಸ್ಟರ್ ಇಂಡಿಯಾ ಭಾಗ-2ನ್ನು ತೆರೆಗೆ ತರುವ ಸಿದ್ಧತೆಗಳು ನಡೆಯುತ್ತಿವೆ. ಶ್ರೀದೇವಿ - ಅನಿಲ್ ಕಪೂರ್ ಅವರೇ ಈ ಚಿತ್ರದಲ್ಲಿಯೂ ತೆರೆ ಹಂಚಿಕೊಳ್ಳಲಿದ್ದಾರೆ.
ಸದ್ಯಕ್ಕೆ ಶ್ರೀದೇವಿ ತನ್ನ ಪತಿ ನಿರ್ಮಿಸುತ್ತಿರುವ ಮಾಮ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾ ಬಿಡುಗಡೆಯಾದ ಬಳಿಕ ಮಿಸ್ಟರ್ ಇಂಡಿಯಾ-2 ದಲ್ಲಿ ಅಭಿನಯಿಸುವ ಸಾಧ್ಯತೆಗಳಿವೆ. ಆದರೆ ಮಿಸ್ಟರ್ ಇಂಡಿಯಾ ಮೊದಲ ಭಾಗ ನಿರ್ದೇಶನ ಮಾಡಿದ್ದ ಶೇಖರ್ ಕಪೂರ್ ತಾನು ಭಾಗ-2 ನಿರ್ದೇಶಿಸಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಹಿಗಾಗಿ ಹೊಸ ನಿರ್ದೇಶಕರಿಗೆ ಚಿತ್ರದ ಜವಾಬ್ದಾರಿ ವಹಿಸಲಿದ್ದಾರೆ ಎನ್ನಲಾಗಿದೆ.
ಇನ್ನು ಶ್ರೀದೇವಿ ಅಭಿನಯದ ಮಾಮ್ ಚಿತ್ರ ಜುಲೈನಲ್ಲಿ ತೆರೆಗೆ ಬರಲಿದ್ದು ಆಬಳಿಕ ಶ್ರೀದೇವಿ ಮಿಸ್ಟರ್ ಇಂಡಿಯಾ-2 ನಲ್ಲಿ ಬಿಸಿಯಾಗಲಿದ್ದಾರೆ ಎನ್ನಲಾಗಿದೆ.