ಕ್ಯಾನ್ಸರ್ ಪೇಶಂಟ್ ಗಳಿಗಾಗಿ ತಲೆ ಕೂದಲನ್ನೇ ದಾನ ಮಾಡಿದ್ರು ಈ ನಟಿ

ಚೆನ್ನೈ:ಟಾಲಿವುಡ್ ನಟ ವರುಣ್ ಸಂದೇಶ್ ಪತ್ನಿ, ನಟಿ ವಿತಿಕಾ ಶೆರು ಕ್ಯಾನ್ಸರ್ ರೋಗಿಗಳಿಗಾಗಿ ಸ್ವತ: ತಮ್ಮ ತಲೆಗೂದಲು ದಾನ ಮಾಡಿ ಗಮನಸೆಳೆದಿದ್ದಾರೆ.

ಬ್ಯೂಟಿ ಪಾರ್ಲರ್‌ನಲ್ಲಿ ಕೂದಲು ಕತ್ತರಿಸಿಕೊಳ್ಳುತ್ತಿರುವ ವಿಡಿಯೋವನ್ನು ವಿತಿಕಾ ಪೋಸ್ಟ್ ಮಾಡಿದ್ದಾರೆ. ಚೆನ್ನೈನಲ್ಲಿನ ಆಡ್ಯಾರ್ ಕ್ಯಾನ್ಸರ್ ಸಂಸ್ಥೆಗೆ ತಮ್ಮ ಕೂದಲನ್ನು ಡೋನೇಟ್ ಮಾಡಿದ್ದಾಗಿ ವಿತಿಕಾ ಹೇಳಿದ್ದಾರೆ. 

ಹಣ, ಆಹಾರ ದಾನ ಮಾಡುವುದಕ್ಕೆ ಹೋಲಿಸಿದರೆ ವರ್ಷಗಟ್ಟಲೆ ಇಷ್ಟಪಟ್ಟು ಬೆಳೆಸಿದ ಉದ್ದನೆಯ ಕೂದಲನ್ನು ಕತ್ತರಿಸಿ ಕೊಡುವುದು ಸ್ವಲ್ಪ ಕಷ್ಟ ಎನಿಸಿದರೂ ಸಂತಸವಾಗುತ್ತಿದೆ. ನೀವು ಕೂಡ ಈ ಬಾರಿ ಹೇರ್ ಕಟ್ ಮಾಡಿಸಬೇಕು ಎನಿಸಿದಾಗ ನನ್ನಂತೆ ದಾನ ಮಾಡಿ ಎಂದು ವಿತಿಕಾ ಜನತೆಗೆ ಮನವಿ ಮಾಡಿದ್ದಾರೆ.