ಆಕ್ಷನ್ ಹೀರೋ ಅಕ್ಷಯ್ ಕುಮಾರ್ ಅಭಿನಯದ ’ಜಾಲಿ ಎಲ್ಎಲ್ಬಿ 2’ ಬಾಕ್ಸ್ ಆಫೀಸಲ್ಲಿ ಭಾರಿ ಸದ್ದು ಮಾಡಿದೆ. ಇದುವರೆಗೆ ಚಿತ್ರ ರೂ.54 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಮೂಲಗಳು ತಿಳಿಸಿವೆ. ಜಾಲಿ ಎಲ್ಎಲ್ಬಿ ಸಿನಿಮಾ ಫೆಬ್ರವರಿ 10ರಂದು ತೆರೆಕಂಡಿತ್ತು.
ಈ ಬಗ್ಗೆ ಟ್ರೇಡ್ ಅನಲಿಸ್ಟ್ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದು, ಶುಕ್ರವಾರ ರೂ.13.20 ಕೋಟಿ, ಶನಿವಾರ ರೂ.17.31 ಕೋಟಿ, ಭಾನುವಾರ ರೂ.19.95 ಕೋಟಿ ಮತ್ತು ಸೋಮವಾರ ರೂ.7.26 ಕೋಟಿ ಕಲೆಕ್ಷನ್ ಮಾಡಿದೆ ಎಂದು ಟ್ವೀಟ್ ಮಾಡಿದ್ದಾರೆ.
ಸುಭಾಷ್ ಕಪೂರ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರದಲ್ಲಿ ಅಕ್ಷಯ್‌ಗೆ ಜೋಡಿಯಾಗಿ ಹುಮಾ ಖುರೇಷಿ ಅಭಿನಯಿಸಿದ್ದಾರೆ. ಅನ್ನು ಕಪೂರ್ ಪ್ರತಿಸ್ಪರ್ಧಿ ವಕೀಲರಾಗಿ, ಸೌರಭ್ ಶುಕ್ಲಾ ನ್ಯಾಯಮೂರ್ತಿಯಾಗಿ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.
ನಿರ್ಲಜ್ಜ ವಕೀಲನಾಗಿ ಅಕ್ಕಿ ಕಾಣಿಸಿದ್ದು ಕಡೆಗೆ ಹೇಗೆ ಬದಲಾಗುತ್ತಾನೆ ಎಂಬುದು ಚಿತ್ರದ ತಿರುಳು. 2013ರಲ್ಲಿ ಬಿಡುಗಡೆಯಾದ ಜಾಲಿ ಎಲ್ಎಲ್ ಚಿತ್ರದ ಮುಂದುವರಿದ ಅವತರಣಿಕೆ ಇದು. ಅರ್ಷದ್ ವಾರ್ಸಿ, ಬೋಮನ್ ಇರಾನಿ ಚಿತ್ರದ ಪಾತ್ರವರ್ಗದಲ್ಲಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.