ರಸಿಕರ ಮನ ತಣಿಸಲು ಬರ್ತಿದ್ದಾಳೆ ಸೋಫಿಯಾ

ಅಂತೂ ಇಂತೂ ಮಹೇಶ್ ಸಿನಿಮ 1ನೆನೊಕ್ಕಡೆನೆ ಚಿತ್ರವು ಅಂತಿಮ ಘಟ್ಟಕ್ಕೆ ಬಂದು ತಲುಪಿದೆ. ಅನೇಕ ದಿನಗಳಿಂದ ಒಂದಲ್ಲ ಒಂದು ರೀತಿ ಸುದ್ದಿ ಮಾಡುತ್ತಾ ಇರುವ ಈ ಚಿತ್ರ ಈಗ ಐಟಂ ನಂಬರ್ ಮೂಲಕವೂ ಸುದ್ದಿ ಮಾಡುವ ಸಾಧ್ಯತೆ ಹೆಚ್ಚಾಗಿದೆ.

ಬಾಲಿವುಡ್ ನಂಬರ್ ಒನ್ ಐಟಂ ಗರ್ಲ್ ಸೋಫಿಯಾ ಚೌಧರಿಯು ಈ ಚಿತ್ರದಲ್ಲಿ ಐಟಂ ನಂಬರ್ ಮೂಲಕ ಕಾಣಿಸಿಕೊಳ್ಳುತ್ತಿದ್ದಾಳೆ.

ಸುಕುಮಾರ್ ಚಿತ್ರಗಳಲ್ಲಿ ಐಟಂ ನಂಬರ್ ಇರಲೇ ಬೇಕು. ಅದರಲ್ಲೂ ಅದು ನೋಡುಗರ ಹೃದಯದ ಬಡಿತ ಹೆಚ್ಚಿಸುವಂತೆ ಇರಬೇಕು ಇದು ಸುಕುಮಾರ್ ವಿಶೇಷತೆ. ಈ ಚಿತ್ರದಲ್ಲೂ ಸಹ ಅದೇ ರೀತಿ ಇದೆ.ದೇವಿಶ್ರೀ ಪ್ರಸಾದ್ ಈ ಹಾಡಿಗೆ ವಿಶೇಷ ಟ್ಯೂನ್ ಹಾಕಿದ್ದಾರಂತೆ.

ಈಗ ಟಾಲಿವುಡ್ ನಲ್ಲಿ ಹೆಚ್ಚು ಗಮನ ಸೆಳೆಯುತ್ತಿರುವ ಈ ಚಿತ್ರದ ಐಟಂ ನಂಬರ್ ಹೆಚ್ಚಿನ ಜನಪ್ರಿಯತೆಯನ್ನು ಹೊಂದುವುದರಲ್ಲಿ ಸಂಶಯವೇ ಇಲ್ಲ ಎಂದು ಹೇಳುತ್ತಿದ್ದಾರೆ ಟಾಲಿವುಡ್ ಮಂದಿ.

ಇಂದು ಆಡಿಯೋ ರಿಲೀಸ್ ಆಗುತ್ತಿರುವ ಈ ಚಿತ್ರವು ಸಂಕ್ರಾಂತಿ ಹಬ್ಬದ ಸಮಯದಲ್ಲಿ ವಿಶ್ವದಾದ್ಯಂತ ಬಿಡುಗಡೆಯ ಭಾಗ್ಯ ಕಾಣುತ್ತಿದೆ.