ಬಾಲಿವುಡ್‌ನ ಶ್ರೀಮಂತ ನಟ ಶಾರೂಖ್ ಖಾನ್ ಅಂತೆ

PR

ಬಾಲಿವುಡ್ನ ಅತಿ ಶ್ರೀಮಂತ ನಟ ಎಂಬ ಸ್ಥಾನಕ್ಕೆ ಶಾರೂಖ್ ಖಾನ್ ಆಯ್ಕೆಯಾಗಿದ್ದಾರೆ. ಇತ್ತೀಚೆಗೆ ಹುರುನ್ ಇಂಡಿಯಾ ಸಂಸ್ಥೆ ನಡೆಸಿದ ಸಮೀಕ್ಷೆಯಲ್ಲಿ ಶಾರೂಖ್ ಖಾನ್ ಬಾಲಿವುಡ್ನ ಶ್ರೀಮಂತ ನಟ ಎನಿಸಿದ್ದಾರೆ. ಭಾರತದ ಶ್ರೀಮಂತರ ಪಟ್ಟಿಯಲ್ಲಿ 114ನೇ ಸ್ಥಾನ ಪಡೆದಿದ್ದು 400 ಮಿಲಿಯನ್ ಯುಎಸ್ ಡಾಲರ್ ಮೌಲ್ಯದ ಆಸ್ತಿ ಹೊಂದಿದ್ದಾರೆ ಎನ್ನಲಾಗಿದೆ. ಎಂದಿನಂತೆ ರಿಲಯನ್ಸ್ ಸಂಸ್ಥೆಯ ಮುಖೇಶ್ ಅಂಬಾನಿ 18.9 ಬಿಲಿಯನ್ ಯುಎಸ್ ಡಾಲರ್ ಮೌಲ್ಯದ ಆಸ್ತಿಯೊಂದಿಗೆ ಮೊದಲ ಸ್ಥಾನದಲ್ಲೇ ಉಳಿದುಕೊಂಡಿದ್ದಾರೆ.

ಲಂಡನ್ನಿನಲ್ಲಿರುವ ಭಾರತದ ಉದ್ಯಮಿ ಲಕ್ಷ್ಮಿ ಮಿತ್ತಲ್ ಎರಡನೇ ಸ್ಥಾನದಲ್ಲಿದ್ದಾರೆ. ಇಂತಹ ಉದ್ಯಮಿಗಳ ಪಟ್ಟಿಯಲ್ಲಿ ಶಾರೂಖ್ ಖಾನ್ ಕಾಣಿಸಿಕೊಂಡು ಹೊಸ ಸಾಧನೆ ಮಾಡಿದ್ದಾರೆ. ಬಾಲಿವುಡ್ನ ಬೇರಾವುದೇ ನಟ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ. ರೆಡ್ ಚಿಲ್ಲೀಸ್ ಎಂಟರ್ಟೇನ್ಮೆಂಟ್ ಸಂಸ್ಥೆಯ ಸಹ ಮಾಲೀಕರಾಗಿ ಶಾರೂಖ್ ಚಿತ್ರ ನಿಮರ್ಾಣ ಕಾರ್ಯದಲ್ಲಿ ತೊಡಗಿಕೊಂಡಿರುವುದರಿಂದ ಈ ಪಟ್ಟಿಯಲ್ಲಿ ಅವರು ಸ್ಥಾನ ಪಡೆದಿದ್ದಾರೆ. 47ರ ಹರೆಯದ ಶಾರೂಖ್ ಐಪಿಎಲ್ನ ಕೋಲ್ಕತ್ತಾ ನೈಟ್ ರೈಡರ್ಸತಂಡದ ಮಾಲಿಕರೂ ಆಗಿದ್ದಾರೆ. ಜಾಹೀರಾತು ಲೋಕದಲ್ಲಿ ಅವರು ಕೋಟಿಗಟ್ಟಲೆ ಗಳಿಸುತ್ತಿರುವುದು ಅವರ ಒಟ್ಟು ಗಳಿಕೆಯನ್ನು ಹೆಚ್ಚಿಸಿದೆ. ಖ್ಯಾತ ಉದ್ಯಮಿಗಳು, ಸಿನಿತಾರೆಗಳ ಕಾರ್ಯಕ್ರಮದಲ್ಲಿ ಹೆಜ್ಜೆ ಹಾಕಲು ಅವರು ಕೋಟಿಗಟ್ಟಲೆ ಬೇಡಿಕೆ ಇಡುತ್ತಿದ್ದಾರೆ. ಒಟ್ಟಿನಲ್ಲಿ ಶಾರೂಖ್ ಅತಿ ಶ್ರೀಮಂತ ವ್ಯಕ್ತಿ ಎನಿಸಿಕೊಂಡಿರುವುದು ಅವರ ಬೇಡಿಕೆಯನ್ನು ಮತ್ತಷ್ಟು ಹೆಚ್ಚಿಸಬಹುದು ಎಂಬ ಕಳವಳ ಬಾಲಿವುಡ್ನ ನಿರ್ಮಾಪಕರಿಗೆ ಕಾಡುತ್ತಿದೆಯಂತೆ.