ಪ್ರಿಯಾಂಕಾಗೆ ಗೋವಾ ಬೀಚ್ ಬಳಿ ಹೊಸ ಮನೆ

PR

PR

ಬೀಚ್ ಎಂದರೆ ಪ್ರಾಣ ಬಿಡುವ ಪ್ರಿಯಾಂಕಾ ಚೋಪ್ರಾ ಗೋವಾದ ಕಡಲ ತೀರದಲ್ಲೊಂದು ಮನೆ ಖರೀದಿಸಿದ್ದಾರೆ. ಉತ್ತರ ಗೋವಾದ ಬಾಗಾ ಬೀಚ್ ಬಳಿ ಅವರು ಮನೆ ಖರೀದಿಸಿದ್ದನ್ನು ಬಹಿರಂಗಪಡಿಸಿರಲಿಲ್ಲ ಅಷ್ಟೇ.

ಹಾಗಂತ ಪ್ರಿಯಾಂಕಾ ಗೋವಾದಲ್ಲಿ ಸೆಟ್ಲ್ ಆಗುತ್ತಿಲ್ಲ. ಯಾವಾಗಾದರೊಮ್ಮೆ ಗೋವಾಗೆ ಬಂದಾಗ ಉಳಿದುಕೊಳ್ಳಲೆಂದೇ ಈ ಮನೆಯಂತೆ. ಬಿಡುವಿನ ವೇಳೆಯನ್ನು ಬೀಚ್ ಸಮೀಪ ಕಳೆಯುವುದೆಂದರೆ ಅವರಿಗೆ ಬಲು ಪ್ರಿಯವಂತೆ. ಇದು ರಜಾ ದಿನಗಳನ್ನು ಕಳೆಯಲೆಂದೇ ಕೊಂಡ ಮನೆ ಎಂಬ ಮಾಹಿತಿ ಸದ್ಯ ಲಭ್ಯವಾಗಿದೆ. ಈ ಮನೆಯಲ್ಲಿ ಜೋಡಿ ಕೋಣೆಗಳು, ಸಣ್ಣ ಲಾನ್ ಇವೆಯಂತೆ. ಆಧುನಿಕ ಸೌಲಭ್ಯಗಳಿರುವ ಈ ಮನೆಯ ಒಳಾಂಗಣ ವಿನ್ಯಾಸ ಸುಂದರವಾಗಿದೆಯಂತೆ. ಸ್ವತಃ ಪ್ರಿಯಾಂಕ ಅವರೇ ಮುಂದೆ ನಿಂತು ಮನೆಯ ಮೇಲ್ವಿಚಾರಣೆ ನಡೆಸಿ ನಿರ್ಮಿಸಿದ್ದಾರಂತೆ.

ಕಳೆದ ತಿಂಗಳು 10ದಿನ ಈ ಮನೆಯಲ್ಲಿ ವಾಸವಾಗಿದ್ದ ಪ್ರಿಯಾಂಕಾಗೆ ಈ ಮನೆ ಸಖತ್ ಇಷ್ಟವಾಗಿದೆಯಂತೆ. ಮುಂಬರುವ ಮೇರಿ ಕೋಮ್ ಚಿತ್ರಕ್ಕೆ ಸಿದ್ಧವಾಗುತ್ತಿರುವ ಅವರು ಚಿತ್ರತಂಡದೊಂದಿಗೆ ಗೋವದಲ್ಲಿ ತಂಗಿದ್ದರು. ಕೇವಲ ಟೈಮ್ಪಾಸ್ಗಾಗಿ ಬಂಗಲೆಯೊಂದನ್ನು ಖರೀದಿಸಿರುವ ಪ್ರಿಯಾಂಕಾ ನಿಜಕ್ಕೂ ಅದೃಷ್ಟವಂತೆ