ನಿದ್ದೆ ಇಲ್ಲದೆ ರಾತ್ರಿ ಕಳೆಯುವ ಸರದಿಯಲ್ಲೀಗ ಪೂನಂ ಪಾಂಡೆ!

ಪೂನಂ ಪಾಂಡೆ ಪಡ್ಡೆ ಹುಡುಗರ ನಿದ್ದೆ ಕಸಿಯುವಲ್ಲಿ ಸದಾ ಮುಂದು. ಆದರೀಗ ಅವರೇ ನಿದ್ದೆ ಇಲ್ಲದ ರಾತ್ರಿಗಳನ್ನು ಕಳೆಯಬೇಕಾಗಿ ಬಂದಿದೆಯಂತೆ!

ಟ್ವಿಟ್ಟರ್ ಸೇರಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ತನ್ನ ಅರೆನಗ್ನ ಫೊಟೊ ಹರಿಬಿಟ್ಟು ಕಮೆಂಟ್ಗಳಿಂದಲೇ ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದ ನಟಿ ಈಕೆ. ಇದೇ ಮೊದಲ ಭಾರಿಗೆ ಇವರ ಎದೆ ಹೊಡೆದುಕೊಳ್ಳುತ್ತಿರುವುದು ಬೇರಾವ ಕಾರಣಕ್ಕೂ ಅಲ್ಲ. ಅವರ ಬಹುನಿರೀಕ್ಷಿತ ಚಿತ್ರ ನಶಾ ಶುಕ್ರವಾರ ಬಿಡುಗಡೆಯಾಗಿದೆ. ಅಮಿತ್ ಸಕ್ಸೇನಾ ನಿರ್ದೇಶನದ ಚಿತ್ರದಲ್ಲಿ ಮೈಚಳಿ ಬಿಟ್ಟು ಆಕೆ ನಟಿಸಿದ್ದರೂ ಬಿಡುಗಡೆಯಾಗುತ್ತಿದ್ದಂತೆ ಅವರಿಗೆ ಟೆನ್ಶನ್ ಆರಂಭವಾಗಿದೆಯಂತೆ.

ಟೆನ್ಶನ್ ಆಗುತ್ತಿದೆ. ರಾತ್ರಿಯೆಲ್ಲಾ ನನಗೆ ನಿದ್ದೆಯೇ ಬರಲಿಲ್ಲ ಎಂದು 22ರ ಹರೆಯದ ಈ ಪೋರಿ ಬರೆದುಕೊಂಡಿದ್ದಾರೆ. 18ರ ಹರೆಯದ ಹುಡುಗನೊಬ್ಬ 25ರ ಹುಡುಗಿಯ ಪ್ರೇಮ ಕಾಮದ ಬಲೆಯೊಳಗೆ ಬೀಳುವ ನಶಾ ಚಿತ್ರದ ಪೋಸ್ಟರ್ ಈಗಲೇ ಹಿಟ್ ಆಗಿದೆ. ತುಂಡು ಬಟ್ಟೆ ತೊಟ್ಟು ಕಾಣಿಸಿಕೊಂಡಿದ್ದು ಮತ್ತೊಂದಷ್ಟು ಮಂದಿಯ ಕಣ್ಣು ಕೆಂಪಾಗಿಸಿದೆ. ವಿವಾದಗಳಿಗೆ ಎಂದೂ ಕಿವಿಗೊಡದ ಪೂನಂ ಚಿತ್ರ ಯಾವ ಮಟ್ಟದಲ್ಲಿ ಹೆಸರು ಮಾಡಲಿದೆ ಎಂಬುದನ್ನು ನೋಡಲು ಕಾಯುತ್ತಿದ್ದಾರಂತೆ.