ಕರೀನಾ ಕಪೂರ್ ಜೊತೆ ಪ್ರಿಯಾಂಕ ಚೋಪ್ರಾ ಬಹಳ ಸಮಯದಿಂದ ವಾಗ್ಯುದ್ದದಲ್ಲಿ ತೊಡಗಿರುವುದು ತಿಳಿದಿರುವ ವಿಷಯ ಆದರೆ ಈಗ ಪ್ರಿಯಾಂಕ ಬಾಲಿವುಡ್ ಕ್ವೀನ್ ಪಟ್ಟವೇರುತ್ತಿರುವ ಕತ್ರಿನಾ ಕೈಫ್‌‌ರ ಮೇಲೆ ನಾಲಗೆ ಹರಿಬಿಟ್ಟಿದ್ದಾರೆ.
" ನನಗಾಗಿ ಪ್ರಮುಖ ಪಾತ್ರವನ್ನು ಹೊಂದಿರುವಂತಹ ಚಿತ್ರಗಳನ್ನು ಮಾಡುಲು ನಾನು ಇಷ್ಟಪಡುತ್ತೇನೆ. ಚಿತ್ರ ಕಮರ್ಷಯಲ್ ಸಕ್ಸಸ್ ಎನಿಸಿಕೊಳ್ಳಬಹುದು ಎಂಬ ನಿಟ್ಟಿನಲ್ಲಿ ನನಗಾಗಿ 4-5 ಸಾಂಗ್ ಮತ್ತು 15-20 ಸೀನ್‌ಗಳಿರುವ ಚಿತ್ರಗಳನ್ನು ಮಾಡುವುದರಲ್ಲಿ ನನಗೆ ಯಾವುದೇ ಆಸಕ್ತಿ ಇಲ್ಲ. ಇಂತಹ ಚಿತ್ರಗಳಲ್ಲಿ ನಟಿಸುವುದರಲ್ಲಿ ಮತ್ತು ಒಂದಾದ ಮೇಲೊಂದು ಹಿಟ್ ಚಿತ್ರ ನೀಡುವುದರಲ್ಲಿ ಯಾವುದೇ ಅರ್ಥವಿಲ್ಲ. ಇದರಿಂದ ನಟಿಯಾಗಿ ನೀವು ಬೆಳೆಯುವುದು ಸಾಧ್ಯವಿಲ್ಲ"
" ನನ್ನ ಕೆಲವು ಚಿತ್ರಗಳು ಫ್ಲಾಫ್ ಆಗಿರಬಹುದು, ಆದರೆ ಅವುಗಳಲ್ಲಿ ನನಗೆ ಪ್ರಮುಖ ಪಾತ್ರವಿತ್ತು. ನನ್ನ ಪಾತ್ರವು ಕ್ಷುಲ್ಲಕಾಗಿರುವಂತಹ ಮತ್ತು ಆ ಚಿತ್ರದಲ್ಲಿ ಚೆನ್ನಾಗಿ ಕಾಣಿಸುವುದೊಂದೆ ನನ್ನ ಕೆಲಸವಾಗಿರುವಂತಹ ಚಿತ್ರಗಳನ್ನು ನಾನು ಹಿಂದೆಯೂ ಮಾಡಿಲ್ಲ ಮತ್ತು ಮುಂದೆಂದೂ ಮಾಡುವುದಿಲ್ಲ" ಎಂದು ಪ್ರಿಯಾಂಕ ಹೇಳಿದ್ದಾರೆ.
ಈ ಎಲ್ಲಾ ಮಾತುಗಳು ಕತ್ರಿನಾರ ಕಡೆ ಬೆಟ್ಟು ಮಾಡುತ್ತೇವೆ, ಅವರು 7 ಸತತ ಹಿಟ್ ಚಿತ್ರಗಳನ್ನು ನೀಡಿದ್ದಾರೆ ಮತ್ತು ನಮಸ್ತೆ ಲಂಡನ್‌ನಿಂದ ಹಿಡಿದು ಸಿಂಗ್ ಈಸ್ ಕಿಂಗ್‌ವರೆಗೆ ಎಲ್ಲಾ ಚಿತ್ರಗಳಲ್ಲೂ ಕತ್ರಿನಾರಿಗೆ ಹೇಳಿಕೊಳ್ಳವಂತಹ ಉತ್ತಮ ನಟನಾವಕಾಶದ ಪಾತ್ರಗಳಿರಲಿಲ್ಲ. ಆ ಚಿತ್ರಗಳಿಗೆ ಗ್ಲಾಮರ್ ಲುಕ್ ಕೊಡುವುದಷ್ಟೇ ಅವರ ಕಾರ್ಯವಾಗಿತ್ತು.
ಪ್ರಿಯಾಂಕ 2002ರಲ್ಲಿ ಬಾಲಿವುಡ್‌ಗೆ ಕಾಲಿರಿಸಿದರೆ, ಕತ್ರಿನಾ ಒಂದು ವರ್ಷದ ನಂತರ 2003ರಲ್ಲಿ ಬೂಮ್ ಚಿತ್ರದ ಮೂಲಕ ಪಾದಾರ್ಪಣೆ ಮಾಡಿದರು. ಕುತೂಹಲಕಾರಿಯಾಗಿ ಕತ್ರಿನಾರ ಬೆನ್ನಿಗೆ 8 ಹಿಟ್ ಚಿತ್ರಗಳಿದ್ದರೆ, ಪ್ರಿಯಾಂಕರ ಆರು ಚಿತ್ರಗಳಷ್ಟೇ ಪ್ರೇಕ್ಷಕರ ಮನ ಗೆದ್ದಿವೆ.
IFM
ಯುಟಿವಿಗಾಗಿ ಈ ಇಬ್ಬರೂ ನಟಿಯರು ಚಿತ್ರವೊಂದಕ್ಕೆ ಸಹಿ ಹಾಕಿದ್ದಾರೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಮೂಲಗಳ ಪ್ರಕಾರ ಕತ್ರಿನಾರಿಗಿಂತ ಪ್ರಿಯಾಂಕ ಪಡೆಯುತ್ತಿರುವ ಸಂಭಾವನೆ ತೀರಾ ಕಡಿಮೆ.
ಪ್ರಸ್ತುತ ಪ್ರಿಯಾಂಕರ ಫಾಶನ್ ಮತ್ತು ದೋಸ್ತಾನ ಚಿತ್ರಗಳ ಬಗ್ಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಕತ್ರಿನಾರ ಯುವರಾಜ್ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದೆ.