ಅಕ್ಷಯ ತೃತೀಯ ದಿನ ಚಿನ್ನ ಖರೀದಿಸಬೇಕೆಂಬುದೆಲ್ಲಾ ಸುಳ್ಳು!

ಬೆಂಗಳೂರು: ಮೇ 3 ರಂದು ಅಕ್ಷಯ ತೃತೀಯವಿದ್ದು, ಈ ದಿನ ಚಿನ್ನ ಖರೀದಿ ಮಾಡಿದರೆ ಮನೆಯಲ್ಲಿ ಅಭಿವೃದ್ಧಿಯಾಗುತ್ತದೆ ಎಂದು ಕೆಲವರು ನಂಬಿಸುತ್ತಲೇ ಇದ್ದಾರೆ. ಆದರೆ ಇದೆಲ್ಲಾ ನಿಜವೇ ಎಂಬ ಚರ್ಚೆ ಈಗ ಜೋರಾಗಿದೆ.

ಅಕ್ಷಯ ತೃತೀಯ ಬಂದ ಕೂಡಲೇ ಚಿನ್ನದ ಮಳಿಗೆಗಳು ಭರ್ಜರಿ ಆಫರ್ ನೀಡುತ್ತವೆ. ಆದರೆ ಅಸಲಿಗೆ ಹಿಂದೂ ಧರ್ಮದಲ್ಲಿ ಈ ದಿನ ಚಿನ್ನವನ್ನೇ ಖರೀದಿಸಬೇಕು ಎಂದೂ ಉಲ್ಲೇಖವಿಲ್ಲ.

ಅಷ್ಟಕ್ಕೂ ಅಕ್ಷಯ ತೃತೀಯ ಎಂದರೇನು?: ವೈಶಾಖ ಮಾಸದ ಶುಕ್ಲ ಪಕ್ಷದ ಮೂರನೆಯ ದಿನವನ್ನು ಅಕ್ಷಯ ತೃತೀಯ ಎಂದು ಆಚರಿಸಲಾಗುತ್ತದೆ. ಈ ದಿನ ನಮ್ಮಲ್ಲಿರುವ ದವಸ-ಧಾನ್ಯವನ್ನು ದಾನ ಮಾಡಬೇಕು. ಆ ಮೂಲಕ ಎಲ್ಲರ ಜೀವನದಲ್ಲಿ ಅಭಿವೃದ್ಧಿಯಾಗಬೇಕು ಎಂಬುದು ಧಾರ್ಮಿಕವಾಗಿ ಇರುವ ಉದ್ದೇಶ. ಆದರೆ ಇದನ್ನೇ ಇಂದು ವ್ಯಾಪಾರೀಕರಣ ಮಾಡಲಾಗಿದ್ದು, ಚಿನ್ನ ಖರೀದಿ ಮಾಡಬೇಕೆಂದು ಹಲವರು ಸುಳ್ಳು ಸುದ್ದಿ ಹರಡುತ್ತಿದ್ದಾರೆ.