ಬೆಂಗಳೂರು : ಹುಟ್ಟು ಸಾವನ್ನು ನಿಖರವಾಗಿ ಹೇಳಲು ಸಾಧ್ಯವಿಲ್ಲ. ನಾವು ಯಾವಾಗ ಸಾಯುತ್ತೇವೆ ಎಂಬುದು ತಿಳಿದಿರುವುದಿಲ್ಲ. ಅದೇರೀತಿ ಹುಟ್ಟು ಕೂಡ. ಆದಕಾರಣ ಕೆಲವರು ಒಂದೇ ದಿನ ಒಂದೇ ನಕ್ಷತ್ರದಲ್ಲಿ ಹುಟ್ಟುತ್ತಾರೆ. ಹೀಗೆ ಜನಿಸುವಾಗ ಆ ಮಗು ಯಾರ ನಕ್ಷತ್ರದಲ್ಲಿ ಜನಿಸಿದರೂ ಪರವಾಗಿಲ್ಲ. ಆದರೆ ಅದು ಗಂಡು ಮಗುವಾದರೆ ಮಾತ್ರ ತಂದೆಯ ಜನ್ಮ ನಕ್ಷತ್ರದಲ್ಲಿ ಜನಿಸಬಾರದಂತೆ.
ಹೌದು. ತಂದೆ-ಮಗನ ನಕ್ಷತ್ರ ಒಂದೇ ಆಗಬಾರದಂತೆ. ಒಂದು ವೇಳೆ ಒಂದೇ ನಕ್ಷತ್ರವಾದರೆ ಏಕನಕ್ಷತ್ರ ದೋಷ ಉಂಟಾಗುತ್ತದೆಯಂತೆ. ಆದರೆ ಇದು ತಂದೆ-ಮಗಳು, ತಾಯಿ-ಮಗಳಿಗೆ ಅನ್ವಯಿಸುವುದಿಲ್ಲವಂತೆ.
ಈ ಏಕನಕ್ಷತ್ರ ದೋಷಕ್ಕೆ ಏಕನಕ್ಷತ್ರ ಶಾಂತಿ ಪೂಜೆಯನ್ನು ಮಾಡಿಸಬೇಕಂತೆ. ಒಂದುವೇಳೆ ಇದಕ್ಕೆ ಪರಿಹಾರ ಮಾಡದಿದ್ದರೆ ಮಗನು ತಂದೆಯಿಂದ ಬೇರೆಯಾಗಿ ಜೀವನ ನಡೆಸಲು ಆರಂಭಿಸಿದ ತಕ್ಷಣ ಸಮಸ್ಯೆಗಳು ಉದ್ಭವವಾಗುತ್ತವೆಯಂತೆ. ಅದು ಆರೋಗ್ಯ ಸಮಸ್ಯೆ, ಹಣಕಾಸಿನ ಸಮಸ್ಯೆಗಳಾಗಿರುತ್ತವೆಯಂತೆ. ಈ ದೋಷದ ಕಾರಣಕ್ಕೆ ಮಗನ ಮದುವೆ ವಿಳಂಬ ಆಗುವ ಸಾಧ್ಯತೆಗಳಿರುತ್ತವೆಯಂತೆ. ಮದುವೆ ಆದ ನಂತರ ಸಂತಾನ ಆಗುವುದು ತಡವಾಗುವ ಸಾಧ್ಯತೆ ಇದೆ ಎನ್ನುತ್ತಾರೆ ಜ್ಯೋತಿಷ್ಯರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ