ಮೋದಿ ಚಾಯ್ ವಾಲಾ ಎಂದು ಎಐಸಿಸಿ ವಕ್ತಾರ ಮಣಿಶಂಕರ್ ಅಯ್ಯರ್ ಜರಿದಿದ್ದರು. ಟೀಕೆಯನ್ನೇ ದಾಳವಾಗಿ ಬಳಸಿಕೊಂಡ ಬಿಜೆಪಿ ದೇಶಾದ್ಯಂತ ಮೋದಿ ಚಹಾ ಅಂಗಡಿಗಳನ್ನು ತೆರೆಯುವುದಕ್ಕೆ ವ್ಯಾಪಕ ಸಿದ್ಧತೆಯನ್ನು ಕೈಗೊಂಡಿದೆ. ಈ ಕುರಿತು ವಕ್ತಾರರು ಹೇಳಿಕೆ ನೀಡುವಾಗ ಎಚ್ಚರಿಕೆಯಿಂದಿರಬೇಕು ಎಂದು ಎಐಸಿಸಿ ವಕ್ತಾರರಿಗೆ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಎಚ್ಚರಿಸಿದ್ದಾರೆ. ಮಣಿಶಂಕರ್ ಅಯ್ಯರ್ ಟೀಕೆಯನ್ನೇ ತನ್ನ ಪ್ರಚಾರಕ್ಕೆ ಬಿಜೆಪಿ ದಾಳವಾಗಿ ಬಳಸಿಕೊಂಡು ಮತದಾರರನ್ನು ಸೆಳೆಯುತ್ತಿದೆ.
ಈ ಕುರಿತು ಇನ್ಮುಂದೆ ಇಂತಹ ಹೇಳಿಕೆ ನೀಡದಂತೆ ರಾಹುಲ್ ಕಾಂಗ್ರೆಸ್ ವಕ್ತಾರರಿಗೆ ಸೂಚನೆ ನೀಡಿದರು. ಕಳೆದ ತಿಂಗಳು ನಡೆದ ಕಾಂಗ್ರೆಸ್ ಸಮಾವೇಶದಲ್ಲಿ, ಅಯ್ಯರ್ ಮಾತನಾಡುತ್ತಾ, ಅವರು 21ನೇ ಶತಮಾನದಲ್ಲಿ ಪ್ರಧಾನಮಂತ್ರಿಯಾಗುವ ಯಾವುದೇ ಸಾಧ್ಯತೆಯಿಲ್ಲ--ಆದರೆ ಅವರು ಚಹಾ ಮಾರಾಟ ಮಾಡುವುದಾದರೆ ನಾವು ಅವಕಾಶ ಕಲ್ಪಿಸುತ್ತೇವೆ ಎಂದು ಮಣಿಶಂಕರ್ ಅಯ್ಯರ್ ತಿಳಿಸಿದ್ದರು.