ಕಾಂತಿಯುತ ಕೇಶ ಪಡೆಯಲು ತಲೆಹೊಟ್ಟು ನಿವಾರಣೆಗೆ ಮನೆಯಲ್ಲಿಯೇ ಇದೆ ಸರಳ ಮದ್ದು

ಜನ ಸಾಮಾನ್ಯರ ದಿನ ನಿತ್ಯದ ಸಮಸ್ಯೆಗಳಲ್ಲಿ ತಲೆಹೊಟ್ಟು ಕೂಡ ಒಂದು. ನೋಡಲು ಸಣ್ಣ ಕಣದಂತಿರುವ ತಲೆಹೊಟ್ಟು ಸಂತೋಷದ ಸಂದರ್ಭವನ್ನೇ ಹಾಳುಮಾಡುವಷ್ಟು ಸಮಸ್ಯೆಯನ್ನು ತಂದಿಡುತ್ತದೆ. ತಲೆಯಲ್ಲಿ ತುರಿಕೆಯನ್ನು ಉಂಟು ಮಾಡುವುದಲ್ಲದೇ ಕೂದಲ ಉದುರುವಿಕೆಗೂ ಕಾರಣವಾಗಿ ವ್ಯಕ್ತಿಯ ಸೌಂದರ್ಯವನ್ನೇ ಹಾಳುಗೆಡವುತ್ತದೆ. ಹೀಗಾಗಿ ಅದರ ನಿವಾರಣೆಗೆ ಶಾಂಪೂ, ಚಿಕಿತ್ಸೆ ಅಂತಾ ಜನರು ಸಾಕಷ್ಟು ಖರ್ಚು ಮಾಡುತ್ತಾರೆ. ಆದರೆ, ಮನೆಯಲ್ಲೇ ಈ ಸಮಸ್ಯೆಗೆ ಸುಲಭವಾಗಿ ಪರಿಹಾರ ಕಂಡುಕೊಳ್ಳಬಹುದು.

photo credit social media

ತಲೆಹೊಟ್ಟನ್ನು ಸೆಬೊರಿಯಾ ಅಂತಾ ಕರೆಯುತ್ತಾರೆ. ಯುವಕರಿಂದಿಡಿದು ವಯಸ್ಸಾದವರ ನೆತ್ತಿಯನ್ನೇ ಇದು ಟಾರ್ಗೆಟ್​ ಮಾಡುತ್ತದೆ. ಮೊಡವೆ ಸೇರಿದಂತೆ ಅನೇಕ ಚರ್ಮ ಸಮಸ್ಯೆಗಳನ್ನು ಇದು ತಂದೊಡ್ಡುತ್ತದೆ. ಕಳಪೆ ಬಾಚಣಿಗೆ, ಶಾಂಪೂ ಬಳಸುವ ಹವ್ಯಾಸ, ಒಣ ಚರ್ಮ, ಒತ್ತಡ ಮತ್ತು ಆಹಾರ ಕ್ರಮ ಸರಿಯಿಲ್ಲದಿರುವುದು ತಲೆಹೊಟ್ಟ ಸೃಷ್ಟಿಗೆ ಕಾರಣವಾಗುತ್ತದೆ. ಹಾಗಾದ್ರೆ ಈ ತಲೆಹೊಟ್ಟಿಗೆ ಮನೆ ಮದ್ದು ಏನು ಅಂತಾ ಈಗ ನೋಡೋಣ.

ಕೊಬ್ಬರಿ ಎಣ್ಣೆ ಕೂದಲಿಗೆ ತುಂಬಾ ಒಳ್ಳೆಯದು. ಅದೇ ರೀತಿ ಯಾವುದೇ ಹಾನಿಕಾರಕ ರಾಸಾಯನಿಕ ಬಳಸದೇ ತಲೆಹೊಟ್ಟು ನಿವಾರಿಸಲು ನಿಂಬೆಹಣ್ಣಿನ ರಸ ಕೂಡ ತುಂಬಾ ಉಪಕಾರಿಯಾಗಿದೆ. ಈ ಎರಡನ್ನು ಹೇಗೆ ಬಳಸೋದು ಅಂತಾ ನೋಡೋದಾದ್ರೆ. ಮೊದಲು ಎರಡು ಚಮಚ ಕೊಬ್ಬರಿ ಎಣ್ಣೆಯನ್ನು ಕಾಯಿಸಿ, ಅದೇ ಪ್ರಮಾಣದ ನಿಂಬೆ ಹಣ್ಣಿನ ರಸದ ಜೊತೆ ಬೆರಸಿಕೊಳ್ಳಬೇಕು. ನಂತರ ನೆತ್ತಿಗೆ ಹಾಕಿ ಮಸಾಜ್​ ಮಾಡಿ ಸುಮಾರು 20 ನಿಮಿಷ ಬಿಟ್ಟು ಶಾಂಪೂವಿನಿಂದ ತೊಳೆಯಬೇಕು.

ಮೆಂತ್ಯ ಕಾಳುಗಳು ತಲೆಹೊಟ್ಟಿನ ವಿರುದ್ಧ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಅದಕ್ಕಾಗಿ ನೀವು ಮಾಡಬೇಕಿರುವುದಿಷ್ಟೇ. ಒಂದಿಷ್ಟು ಮೆಂತ್ಯ ಕಾಳುಗಳನ್ನು ಇಡೀ ರಾತ್ರಿ ನೀರಿನಲ್ಲಿ ನೆನಸಿಡಬೇಕು. ಬಳಿಕ ಕಾಳುಗಳನ್ನು ತೆಗೆದು ಅದನ್ನು ರುಬ್ಬಿ ಪೇಸ್ಟ್​ ಮಾಡಿಕೊಳ್ಳಬೇಕು. ನಂತರ ಪೇಸ್ಟ್​ ಅನ್ನು ತೆಲೆಗೆ ಹಾಕಿ ಒಂದು ಗಂಟೆ ಒಣಗಲು ಬಿಡಬೇಕು. ಇದಾದ ಬಳಿಕ ಶಾಂಪೂ ಬಳಸಿ ತೊಳೆಯಬೇಕು.

ಸುಲಭವಾಗಿ ಸಿಗುವ ಮೊಸರು ಕೂಡ ತಲೆಹೊಟ್ಟಿಗೆ ರಾಮಬಾಣ. ಸ್ವಲ್ಪ ಪ್ರಮಾಣದ ಮೊಸರನ್ನು ತೆಗೆದುಕೊಂಡು ನೆತ್ತಿಯ ಮೇಲೆ ಹಾಕಬೇಕು. ಬಳಿಕ ಒಂದು ಗಂಟೆ ಹಾಗೇ ಬಿಟ್ಟು, ನಂತರ ಶಾಂಪೂ ಬಳಸಿ ತೊಳೆದುಕೊಳ್ಳಬೇಕು.

ಇದಂತೂ ತಲೆಹೊಟ್ಟಿಗೆ ತುಂಬಾ ಪರಿಣಾಮಕಾರಿ. ಮೊದಲು ಕೂದಲನ್ನು ಸ್ವಲ್ಪ ತೇವಗೊಳಿಸಿಕೊಳ್ಳಬೇಕು. ಬಳಿಕ ಒಂದು ಚಮಚ ಅಡುಗೆ ಸೋಡ ತೆಗೆದುಕೊಂಡು ನೆತ್ತಿಯ ಮೇಲೆ ಉಜ್ಜಬೇಕು. ಬಳಿಕ 60 ರಿಂದ 90 ಸೆಕೆಂಡ್​ ಹಾಗೇ ಬಿಟ್ಟು ನಂತರ ನೀರಿನಲ್ಲಿ ತೊಳೆಯಬೇಕು.

ಚಹಾ ಮರದ ಎಣ್ಣೆಯು ಕೂಡ ತಲೆಹೊಟ್ಟಿ ಅತ್ಯತ್ತಮವಾದ ಮನೆಮದ್ದು. ಕೆಲವು ಹನಿಯಷ್ಟು ಎಣ್ಣೆಯನ್ನು ನೆತ್ತಿಯ ಮೇಲೆ ಹಾಕಿ ಸುತ್ತ ಸಮವಾಗಿ ಹರಡಬೇಕು. ಸುಮಾರು 5 ನಿಮಿಷ ಹಾಗೇ ಬಿಟ್ಟ ನಂತರ ಶಾಂಪೂವಿನಿಂದ ತೊಳೆಯಬೇಕು.

ತಲೆಹೊಟ್ಟು ಮತ್ತು ಕೂದಲು ಉದುರುವಿಕೆ ನಿವಾರಿಸೋ ಮನೆಮದ್ದುಗಳಲ್ಲೇ ಆ್ಯಪಲ್​ ಸೈಡರ್​ ವಿನೇಗರ್​ ತುಂಬಾ ಪರಿಣಾಮಕಾರಿಯಾದ್ದುದ್ದು. ಅದನ್ನು ಬಳಸುವುದು ಹೇಗೆಂದರೆ, ಸಮ ಪ್ರಮಾಣದಲ್ಲಿ ಆ್ಯಪಲ್​ ಸೈಡರ್​ ವಿನೇಗರ್​ ಮತ್ತು ನೀರನ್ನು ಮಿಶ್ರಣ ಮಾಡಿ ಒಂದು ಕಡೆ ಇಡಬೇಕು. ಬಳಿಕ ತಲೆಯನ್ನು ತೊಳೆದು ಮಿಶ್ರಣವನ್ನು ತೇವವಿರುವ ಕೂದಲಿಗೆ ಹಚ್ಚಿ ಮಸಾಜ್​ ಮಾಡಬೇಕು. ಬಳಿಕ 15 ನಿಮಿಷಗಳ ಕಾಲ ಬಿಟ್ಟು, ನೀರಿನಲ್ಲಿ ತೊಳೆಯಬೇಕು.

lifestyle

ದಿನಕ್ಕೊಂದು ಮೊಟ್ಟೆ ತಿನ್ನಿ ವೈದ್ಯರನ್ನು ದೂರವಿಡಿ

Follow Us on :-