ಸಾಕಷ್ಟು ವಾಹನಗಳು ಓಡಾಡುವ ಹೆದ್ದಾರಿಯನ್ನೇ ಹುಲಿರಾಯ ಬಂದ್ ಮಾಡಿದೆ. ವಾಹನಗಳು ಸಾಲುಗಟ್ಟಿ ನಿಂತರೂ ಹುಲಿಗೆ ಯಾಕೋ ದಾರಿ ಬಿಡುವ ಮನಸ್ಸೇ ಆಗಿಲ್ಲ. ಈ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಸಾಮಾನ್ಯವಾಗಿ ಅಭಯಾರಣ್ಯಗಳ ಬಳಿ ರಸ್ತೆಗಳಲ್ಲಿ ಇಂತಹ ಘಟನೆಗಳು ಕಂಡುಬರುತ್ತವೆ. ಕಾಡು ಪ್ರಾಣಿಗಳಿಂದ ವಾಹನ ಸಂಚಾರಕ್ಕೆ ಅಡೆತಡೆಯಾಗುವುದು, ಮನುಷ್ಯರ ಮೇಲೆ ದಾಳಿ ಮಾಡಲು ಮುಂದಾಗುವ ಎಷ್ಟೋ ವಿಡಿಯೋಗಳನ್ನು ನೋಡುತ್ತೇವೆ.
ಅಂತಹದ್ದೇ ಒಂದು ದೃಶ್ಯ ಇದಾಗಿದೆ. ಮಹಾರಾಷ್ಟ್ರದ ಚಂದ್ರಪುರ ಜಿಲ್ಲೆಯಲ್ಲಿ ಕಾಡಿನ ನಡುವೆ ಹಾದು ಹೋಗುವ ರಸ್ತೆಯಲ್ಲಿ ಹುಲಿಯೊಂದು ರಸ್ತೆ ಮಧ್ಯೆ ಆಕಳಿಸುತ್ತಾ ಕೂತಿತ್ತು. ಹುಲಿ ರಸ್ತೆ ಮಧ್ಯದಲ್ಲಿ ಕೂತಿದ್ದರಿಂದ ಯಾರಿಗೂ ಅದನ್ನು ದಾಟಿ ಹೋಗುವ ಧೈರ್ಯವಿರಲಿಲ್ಲ.
ಹಾರ್ನ್ ಮಾಡಿ, ಶಬ್ಧ ಮಾಡಿದರೆ ಎಲ್ಲಿ ದಾಳಿ ಮಾಡುತ್ತದೋ ಎಂದು ಭಯ. ಬೈಕ್, ಕಾರು ಸವಾರರು ಸೈಲೆಂಟ್ ಆಗಿ ಹುಲಿ ಹೋಗುವುದನ್ನೇ ಕಾಯುತ್ತಾ ನಿಂತಿದ್ದರು. ಇಡೀ ರಸ್ತೆಯೇ ಬ್ಲಾಕ್ ಆಗಿದ್ದರೂ ಹುಲಿರಾಯ ಮಾತ್ರ ಕ್ಯಾರೇ ಎನ್ನದೇ ರಾಜ ಗಾಂಭೀರ್ಯದಿಂದ ರಸ್ತೆ ಮಧ್ಯೆ ಕುಳಿತುಕೊಂಡಿತ್ತು. ಈ ವೈರಲ್ ವಿಡಿಯೋ ಇಲ್ಲಿದೆ ನೋಡಿ.
