Publish Date: Wed, 08 Jul 2026 (12:08 IST)
Updated Date: Wed, 08 Jul 2026 (12:11 IST)
ನವದೆಹಲಿ: ರೈಲಿನ ಎಸಿ ಕೋಚ್ ನಲ್ಲಿ ಫಸ್ಟ್ ನೈಟ್ ಗೆ ಅರೇಂಜ್ ಮಾಡಿಕೊಂಡಿರುವ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಈ ಬಗ್ಗೆ ನೆಟ್ಟಿಗರು ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಗೆ ಪ್ರಶ್ನೆ ಮಾಡಿದ್ದಾರೆ.
ರೈಲಿನಲ್ಲಿ ದೂರ ಪ್ರಯಾಣ ಮಾಡುವಾಗ ನಮ್ಮ ಸೀಟ್, ಕಂಪಾರ್ಟ್ ಮೆಂಟ್ ಮನೆಯ ಥರಾ ಆಗಿಬಿಡುತ್ತದೆ. ಅದರಲ್ಲೂ ಇತ್ತೀಚೆಗೆ ಭಾರತೀಯ ರೈಲಿನ ಪರಿಸ್ಥಿತಿ ಸಾಕಷ್ಟು ಸುಧಾರಿಸಿದ್ದು ಶುಚಿತ್ವ, ಸೀಟ್ ಅರೇಂಜ್ ಮೆಂಟ್ ವಿಚಾರದಲ್ಲಿ ಮೇಲ್ದರ್ಜೆಗೇರಿದೆ.
ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಎಸಿ ಕೋಚ್ ಕಂಪಾರ್ಟ್ ಮೆಂಟ್ ಒಂದರಲ್ಲಿ ನವಜೋಡಿಯ ಫಸ್ಟ್ ನೈಟ್ ಗೆ ಅರೇಂಜ್ ಮಾಡಲಾಗಿದೆ. ಸೀಟ್ ಗಳನ್ನೇ ಮಂಚವಾಗಿ ಮಾಡಿ ಅದರ ಮೇಲೆ ಹೂ ಹಾಕಿ ಇಡೀ ಕಂಪಾರ್ಟ್ ಮೆಂಟ್ ನ ಗೋಡೆಗೆಲ್ಲಾ ಹೂಗಳನ್ನು ಅಂಟಿಸಿ ಪಕ್ಕಾ ಫಸ್ಟ್ ನೈಟ್ ಗೆ ಅರೇಂಜ್ ಮೆಂಟ್ ಮಾಡಲಾಗಿದೆ.
ಈ ವಿಡಿಯೋ ನೋಡಿ ನೆಟ್ಟಿಗರು ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಗೆ ಇಂತಹದ್ದಕ್ಕೆಲ್ಲಾ ರೈಲಿನಲ್ಲಿ ಅವಕಾಶವಿದೆಯೇ ಎಂದು ಪ್ರಶ್ನೆ ಮಾಡಿದ್ದಾರೆ. ಇಂತಹ ಅವಾಂತರಗಳಿಗೆ ಅನುಮತಿ ನೀಡುವವರು ಯಾರು ಎಂದು ಪ್ರಶ್ನೆ ಮಾಡಿದ್ದಾರೆ.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
