ಉಡುಪಿ: ಕೃಷ್ಣನಗರಿ ಉಡುಪಿಗೆ ಭೇಟಿ ನೀಡಿರುವ ಪ್ರಧಾನಿ ಮೋದಿಗೆ ಪುತ್ತಿಗೆ ಶ್ರೀಗಳು ಮಠದ ವತಿಯಿಂದ ಭಾರತ ಭಾಗ್ಯವಿಧಾತ ಎನ್ನುವ ಬಿರುದನ್ನು ನೀಡಿ ಗೌರವಿಸಿದ್ದಾರೆ.
ಇಂದು ಲಕ್ಷ ಕಂಠ ಗೀತ ಗಾಯನ ಕಾರ್ಯಕ್ರಮದಲ್ಲಿ ಭಾಗಿಯಾದ ಪ್ರಧಾನಿ ಮೋದಿಗೆ ವಿಶೇಷ ಬಿರುದು ನೀಡಿ ಗೌರವಿಸಲಾಗಿದೆ. ಸಂಸ್ಕೃತದಲ್ಲೇ ಮಾತನಾಡಿದ ಪುತ್ತಿಗೆ ಶ್ರೀಗಳು, ಪ್ರಧಾನಿ ಮೋದಿಗೆ ನಮ್ಮೆಲ್ಲರ ಅಭಿಮಾನದ ಪ್ರತೀಕವಾಗಿ ಭಾರತ ಭಾಗ್ಯವಿಧಾತ ಎಂಬ ಬಿರುದು ನೀಡುವುದಾಗಿ ಘೋಷಿಸಿದರು.
ವಿಶಿಷ್ಟವಾದ ನವಿಲುಗರಿಯುಳ್ಳ ಟೋಪಿ, ಕೈಗೆ ರಕ್ಷಾ ದಾರ ಮತ್ತು ಬೆಳ್ಳಿಯ ಗದೆ, ಫಲಕವನ್ನು ನೀಡಿ ಮೋದಿಯವರನ್ನು ಗೌರವಿಸಲಾಗಿದೆ. ದೇಶದ ರಕ್ಷಣೆಗಾಗಿ ಮೋದಿಗೆ ಇನ್ನಷ್ಟು ಶಕ್ತಿ ಕೊಡಲಿ ಎಂದು ಪುತ್ತಿಗೆ ಶ್ರೀಗಳು ಈ ವೇಳೆ ಆಶೀರ್ವದಿಸಿದ್ದಾರೆ.
