ಇಂದು ಕೋಮಲ್ ಕುಮಾರ್ ಅವರ ಅಭಿನಯದ ಬಹು ನಿರೀಕ್ಷಿತ ಚಿತ್ರ ನಮೋ ಭೂತಾತ್ಮ ಬಿಡುಗಡೆ ಆಗುತ್ತಿದೆ. ಈ ಚಿತ್ರದಲ್ಲಿ ಅವರು ಆಸ್ತಿಗಾಗಿ ಒದ್ದಾಡುವ ಯುವಕನ ಪಾತ್ರಧಾರಿಯಾಗಿದ್ದಾರೆ. ಹಾಸ್ಯ ಪ್ರಧಾನ ಪಾತ್ರಗಳಲ್ಲಿ ನಟಿಸಿರುವ ಕೋಮಲ್ ಅವರು ಮೊಟ್ಟ ಮೊದಲ ಬಾರಿಗೆ ಹಾರರ್ ಕಾಮಿಡಿ ಚಿತ್ರದಲ್ಲಿ ನಟಿಸಿದ್ದಾರೆ.
ಇಂತಹ ಚಿತ್ರಗಳು ಕೇವಲ ಹಾಲಿವುಡ್ ನಲ್ಲಿ ಕಂಡು ಬರುತ್ತದೆ. ಆದರೆ ಕನ್ನಡದಲ್ಲಿ ಈ ರೀತಿಯ ಹಾರರ್ ಕಾಮಿಡಿ ಚಿತ್ರಗಳು ಬಂದಿಲ್ಲ ಎಂದಿರುವ ಕೋಮಲ್ ಅವರ ಜೊತೆ ನಾಲ್ಕು ಹೀರೋಯಿನ್ ಗಳು ನಟಿಸಿದ್ದಾರೆ.
ಐಶ್ವರ್ಯ ಮೆನನ್, ಅನಶ್ವರ ಕುಮಾರ್, ಗಾಯತ್ರಿ ಅಯ್ಯರ್, ನಿಖಿತ ತುಕ್ರಾಲ್ ಇವರೇ ಆ ನಾಲ್ಕು ಜನರು. ಈ ಚಿತ್ರದಲ್ಲಿ ದಲೇರ್ ಮೆಹಂದಿ ಮತ್ತು ಕೋಮಲ್ ಕುಮಾರ್ ಹಾಡಿರುವ ಹಾಡುಗಳು ಸಿಕ್ಕಾಪಟ್ಟೆ ಜನಪ್ರಿಯವಾಗಿದೆ. ಕೊರಿಯಾಗ್ರಾಫರ್ ಮುರಳಿ ಅವರು ಮೊಟ್ಟ ಮೊದಲ ಬಾರಿಗೆ ನಿರ್ದೇಶಕರ ಸ್ಥಾನ ಹಿಡಿದ್ದಾರೆ. ಈ ಚಿತ್ರದಲ್ಲಿ ಕೋಮಲ್ ಅವರು ಭಿನ್ನ ರೀತಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಭೂತ ಇದೆಯೇ ಇಲ್ಲವೇ ಎನ್ನುವುದರ ಅಡಿಯಲ್ಲಿ ಚಿತ್ರ ನಿರ್ಮಿತ ಗೊಂಡಿದೆ.
