ಬೆಂಗಳೂರು: ಬಿಗ್‌ಬಾಸ್ ಸೀಸನ್ 12ರ ಈ ವಾರ ನಗು, ಕೋಪ, ಜಗಳ, ಅಳು ಹೀಗೇ ಎಲ್ಲ ಭಾವನೆಗಳಿಂದ ಕೂಡಿದ ವಾರವಾಗಿತ್ತು. ಸೀಸನ್ 11ರ 5 ಸ್ಪರ್ಧಿಗಳು ದೊಡ್ಮನೆಗೆ ಅತಿಥಿಗಳಾಗಿ ಎಂಟ್ರಿ ಕೊಟ್ಟು ಮನೆಮಂದಿಗೆಲ್ಲ ಕ್ವಾಟ್ಲೆ ನೀಡಿದರು. ಇನ್ನೂ ಗೆಸ್ಟ್‌ಗಳಿಗೆ ಅದರಲ್ಲೂ ಮಂಜಣ್ಣ ಹಾಗೂ ರಜತ್‌ಗೆ ಗಿಲ್ಲಿ ನಟ ಕೌಂಟರ್ ನೀಡಿದಕ್ಕೆ ಸಹಿಸಲಾಗದೆ ಆಕ್ರೋಶವನ್ನು ಹೊರಹಾಕಿದ್ದು ಉಂಟು.
ಇನ್ನೂ ಗಿಲ್ಲಿಯನ್ನೂ ಅತಿಥಿಗಳು ಟಾರ್ಗೆಟ್ ಮಾಡಿ, ಅವಮಾನವೀಯವಾಗಿ ನಡೆಸಿಕೊಂಡು ಬಂದಿದ್ದು ಉಂಟು. ಆದ್ದರಿಂದ ಈ ವಾರದ ಕತೆ ಕಿಚ್ಚನ ಜತೆ ಭಾರೀ ಕುತೂಹಲವನ್ನು ಮೂಡಿಸಿದೆ. ಅತಿಥಿಗಳೊಂದಿಗೆ ಗಿಲ್ಲಿ ನಟ ವರ್ತನೆಗೆ ಸುದೀಪ್ ಕ್ಲಾಸ್ ತೆಗದುಕೊಳ್ತಾರಾ ಅನ್ನೋ ಚರ್ಚೆ ಶುರುವಾಗಿದೆ.
ಈ ನಡುವೆ ಕಲರ್ಸ್ ಕನ್ನಡ ವಾಹಿನಿ ಪ್ರೋಮೋ ಬಿಟ್ಟಿದ್ದು, ಅದರಲ್ಲಿ ಅತಿಥಿಗಳೊಂದಿಗಿನ ಗಿಲ್ಲಿ ವರ್ತನೆ ಬಗ್ಗೆ ಮನೆ ಮಂದಿ ಅಸಮಾಧಾನ ಹೊರಹಾಕಿದ್ದಾರೆ. ಅದಲ್ಲದೆ ಕಿಚ್ಚ ಸುದೀಪ್ ಅವರು ಗಿಲ್ಲಿಯಲ್ಲಿ ನೀವು ರೆಸ್ಟೋರೆಂಟ್‌ಗೆ ಹೋದಲ್ಲಿ ನಿಮ್ಮನ್ನು ಈ ರೀತಿ ನಡೆಸಿಕೊಂಡರೆ ಒಕೆ ನಾ ಎಂದು ಪ್ರಶ್ನೆ ಮಾಡಿದ್ದಾರೆ. ಗಿಲ್ಲಿ ಸಪ್ಪೆ ಮುಖದಲ್ಲೇ ಇರುವುದನ್ನು ಪ್ರೋಮೋದಲ್ಲಿ ಕಾಣಬಹುದು.
ಒಟ್ಟಾರೆ ಇಂದಿನ ಕಿಚ್ಚನ ಪಂಚಾಯಿತಿಗೆ ಎಲ್ಲರೂ ಕಾತುರದಿಂದ ಕಾಯುತ್ತಿದ್ದಾರೆ.
