ಬೆಂಗಳೂರು: ಅಕಾಲಿಕವಾಗಿ ಅಣ್ಣ ಚಿರಂಜೀವಿ ಸರ್ಜಾ ನಿಧನರಾಗಿದ್ದರಿಂದ ಅವರ ಅರ್ಧಕ್ಕೇ ನಿಂತ ಸಿನಿಮಾಗಳಿಗೆ ಸಹಾಯ ಮಾಡಲು ಸಹೋದರ ಧ್ರುವ ಸರ್ಜಾ ಮುಂದಾಗಿದ್ದಾರೆ.
ಚಿರು ಸರ್ಜಾ ಕೊನೆಯದಾಗಿ ಅಭಿನಯಿಸಿದ್ದ ರಾಜಮಾರ್ತಂಡ ಸಿನಿಮಾ ಡಬ್ಬಿಂಗ್ ಕೆಲಸಗಳು ಬಾಕಿಯಿತ್ತು. ಚಿತ್ರೀಕರಣ ಪೂರ್ತಿಯಾಗಿತ್ತು.
ಹೀಗಾಗಿ ಈಗ ಈ ಸಿನಿಮಾಗೆ ಚಿರು ಪಾತ್ರಕ್ಕೆ ಸಹೋದರ ಧ್ರುವ ಸರ್ಜಾ ಡಬ್ಬಿಂಗ್ ಮಾಡಲಿದ್ದಾರೆ ಎಂಬ ಸುದ್ದಿ ಬಂದಿದೆ. ಆ ಮೂಲಕ ಅಣ್ಣನ ಕೊನೆಯ ಚಿತ್ರಕ್ಕೆ ಯಾವುದೇ ತೊಂದರೆಯಾಗದಂತೆ ನೋಡಿಕೊಳ್ಳಲಿದ್ದಾರೆ ಧ್ರುವ.
