ನವದೆಹಲಿ: ಭಾರತದ ಜಿಡಿಪಿ ಎರಡನೇ ತ್ರೈಮಾಸಿಕದಲ್ಲಿ ಏಕಾಏಕಿ 8.2 ಕ್ಕೆ ಏರಿಕೆಯಾಗಿದೆ. ಜಿಎಸ್ ಟಿ ಕಡಿತದ ನಡುವೆಯೂ ಈ ಜಿಗಿತ ಅಚ್ಚರಿ ಉಂಟು ಮಾಡಿದೆ. ಇದು ಭಾರತದ್ದು ಸತ್ತ ಎಕಾನಮಿ ಎಂದ ಡೊನಾಲ್ಡ್ ಟ್ರಂಪ್ ಗೆ ಮುಖಕ್ಕೆ ಹೊಡೆದಂತಾಗಿದೆ.
ರಾಷ್ಟ್ರೀಯ ಸಾಂಖ್ಯಿಕ ಕಚೇರಿಯು ಆರ್ಥಿಕ ಬೆಳವಣಿಗೆಯ ಅಂಕಿ ಅಂಶ ಬಿಡುಗಡೆ ಮಾಡಿದೆ. ಈ ಅಂಕಿ ಅಂಶದ ಪ್ರಕಾರ ಎರಡನೇ ತ್ರೈಮಾಸಿಕದಲ್ಲಿ 8.2 ಶೇಕಡಾದಷ್ಟು ಬೆಳವಣಿಗೆ ಕಂಡಿದೆ. ಮೊದಲ ತ್ರೈಮಾಸಿಕದಲ್ಲಿ ಜಿಡಿಪಿ ದರ 7.8 ಶೇಕಡಾದಷ್ಟಿತ್ತು. ಇದೀಗ ದಿಡೀರ್ ಬೆಳವಣಿಗೆ ಕಂಡಿದೆ.
ಜಿಎಸ್ ಟಿ ಕಡಿತದ ನಡುವೆಯೂ ಕೈಗಾರಿಕಾ ಉತ್ಪನ್ನಗಳ ತಯಾರಿಕೆಯಲ್ಲಿ ಗಣನೀಯ ಏರಿಕೆ ಸರಕಾರಿ ವೆಚ್ಚದ ಹೆಚ್ಚಳದಿಂದ ನಿರೀಕ್ಷೆಗೂ ಮೀರಿದ ಆರ್ಥಿಕ ಬೆಳವಣಿಗೆಯಾಗಿದೆ. ಜಿಎಸ್ ಟಿ ಕಡಿತದಿಂದ ಖರೀದಿ ಹೆಚ್ಚಾಗಿದೆ. ಇದರಿಂದ ಉತ್ಪಾದನಾ ವಲಯ ಉತ್ಪಾದನೆ ಹೆಚ್ಚಿಸಿದೆ. ಖರೀದಿ ಚಟುವಟಿಕೆ ಹೆಚ್ಚಿದಂತೆ ಜಿಡಿಪಿ ಮೇಲ್ಮುಖವಾಗಿದೆ. ಉತ್ಪನ್ನಗಳ ಬೆಲೆ ಕಡಿಮೆಯಾಗಿರುವುದರಿಂದ ಜನರ ಕೈಯಲ್ಲಿ 2 ಲಕ್ಷ ಕೋಟಿ ರೂ ಉಳಿಕೆಯಾಗಲಿದೆ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಸಂತಸ ವ್ಯಕ್ತಪಡಿಸಿದ್ದಾರೆ.
ಕೆಲವೇ ದಿನಗಳ ಮೊದಲು ಭಾರತದ ಮೇಲಿನ ಹೊಟ್ಟೆ ಉರಿಗೆ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತದ್ದು ಸತ್ತ ಎಕಾನಮಿ ಎಂದಿದ್ದರು. ಆದರೆ ಈಗ ಜಿಡಿಪಿ ದರ ಭಾರೀ ಏರಿಕೆಯಾಗಿರುವುದು ಟ್ರಂಪ್ ಮುಖಕ್ಕೆ ಹೊಡೆದಂತಾಗಿದೆ.
