ಪೇಪರ್ ಅವಲಕ್ಕಿಯಿಂದ ಆರೋಗ್ಯಕ್ಕೆ ಸಿಗುವ ಸಿಗುವ ಪ್ರಯೋಜನಗಳು ಇಲ್ಲಿದೆ

Photo Credit X

ಕರಾವಳಿ ಭಾಗದಲ್ಲಿ ಹೆಚ್ಚಾಗಿ ಮಾಡುವ ಪೇಪರ್ ಅವಲಕ್ಕಿ ಅತ್ಯಂತ ಹಗುರವಾದ, ರುಚಿಕರವಾದ ಮತ್ತು ಆರೋಗ್ಯಕರವಾದ ಆಹಾರ ಧಾನ್ಯವಾಗಿದೆ. ಇದನ್ನು ಉಪಹಾರಕ್ಕಾಗಿ ಅಥವಾ ಸಂಜೆಯ ತಿಂಡಿಯಾಗಿ ವಿವಿಧ ರೀತಿಯಲ್ಲಿ ತಯಾರು ಮಾಡಿ ಸೇವಿಸಲಾಗುತ್ತದೆ. 
ಈ ಲೇಖನದಲ್ಲಿ ಅವಲಕ್ಕಿಯಿಂದ ಸಿಗುವ ಆರೋಗ್ಯ ಪ್ರಯೋಜನಗಳ ಬಗ್ಗೆ ತಿಳಿಸಲಾಗಿದೆ.

 ಸುಲಭ ಜೀರ್ಣಕ್ರಿಯೆ: ಪೇಪರ್ ಅವಲಕ್ಕಿ ಅತ್ಯಂತ ತೆಳುವಾಗಿರುವುದರಿಂದ ಹೊಟ್ಟೆಗೆ ಯಾವುದೇ ಭಾರ ಎನಿಸುವುದಿಲ್ಲ. ಇದು ಸುಲಭವಾಗಿ ಜೀರ್ಣವಾಗುತ್ತದೆ ಮತ್ತು ಹೊಟ್ಟೆ ಉಬ್ಬರ, ಗ್ಯಾಸ್ಟ್ರಿಕ್ ಅಥವಾ ಜೀರ್ಣಾಂಗಯೂಹದ ಸಮಸ್ಯೆ ಇರುವವರಿಗೆ ಸೂಕ್ತವಾದ ಆಹಾರವಾಗಿದೆ.

ತೂಕ ಇಳಿಕೆಗೆ ಸಹಕಾರಿ: ಇದರಲ್ಲಿ ಕ್ಯಾಲೋರಿ ಮತ್ತು ಕೊಬ್ಬಿನ ಪ್ರಮಾಣ (Fat content) ಅತ್ಯಂತ ಕಡಿಮೆ. ಕಡಿಮೆ ಎಣ್ಣೆ ಬಳಸಿ ಒಗ್ಗರಣೆ ಹಾಕಿ ಅಥವಾ ನೆನೆಸಿ ತಿಂದರೆ, ಹೊಟ್ಟೆ ತುಂಬಿದ ಅನುಭವ ನೀಡುತ್ತದೆ ಮತ್ತು ತೂಕ ಇಳಿಸಿಕೊಳ್ಳಲು ಬಯಸುವವರಿಗೆ ಅತ್ಯುತ್ತಮ ಆಯ್ಕೆಯಾಗಿದೆ.

ಕಬ್ಬಿಣಾಂಶದ ಕೊರತೆ ನಿವಾರಣೆ: ಅವಲಕ್ಕಿಯನ್ನು ಭತ್ತದಿಂದ ತಯಾರಿಸುವ ಪ್ರಕ್ರಿಯೆಯಲ್ಲಿ ಅದಕ್ಕೆ ಕಬ್ಬಿಣಾಂಶ ಹೆಚ್ಚಾಗಿ ಸೇರುತ್ತದೆ. ರಕ್ತಹೀನತೆ (Anemia) ಇರುವವರು, ಗರ್ಭಿಣಿಯರು ಮತ್ತು ಮಕ್ಕಳಿಗೆ ಇದು ಕಬ್ಬಿಣಾಂಶದ ಉತ್ತಮ ನೈಸರ್ಗಿಕ ಆಕರವಾಗಿದೆ.

    ಸಲಹೆ: ಅವಲಕ್ಕಿ ಸೇವಿಸುವಾಗ ಸ್ವಲ್ಪ ನಿಂಬೆರಸ ಹಿಂಡಿ ತಿಂದರೆ, ದೇಹವು ಕಬ್ಬಿಣಾಂಶವನ್ನು ಇನ್ನಷ್ಟು ಚೆನ್ನಾಗಿ ಹೀರಿಕೊಳ್ಳುತ್ತದೆ.