ಅಮಿತ್ ಮಿಶ್ರಾ ವಯಸ್ಸಿನ ವಿವಾದ

ನವದೆಹಲಿ: ಇತ್ತೀಚೆಗೆ ಮುಕ್ತಾಯಗೊಂಡ ನ್ಯೂಜಿಲೆಂಡ್ ಏಕದಿನ ಸರಣಿಯಲ್ಲಿ ಸರಣಿ ಶ್ರೇಷ್ಠರಾದ ಟೀಂ ಇಂಡಿಯಾ ಸ್ಪಿನ್ನರ್ ಅಮಿತ್ ಮಿಶ್ರಾ ತಮ್ಮ ನಿಜವಾದ ವಯಸ್ಸು ಮಚ್ಚಿಟ್ಟಿದ್ದಾರಾ? ಹೀಗೊಂದು ಸಂಶಯ ಕಾಮೆಂಟರಿ ಬಾಕ್ಸ್ ನಲ್ಲಿ ಕುಳಿತಿದ್ದ ವೀರೇಂದ್ರ ಸೆಹವಾಗ್ ಗೆ ಕಾಡಿದೆ.

ಕೊನೆಯ ಪಂದ್ಯದ ಕಾಮೆಂಟರಿ ಮಾಡುತ್ತಿದ್ದಾಗ ಸೆಹವಾಗ್ ವಿವಾದಕ್ಕೆ ಕಾರಣವಾಗಬಹುದಾದ ಹೇಳಿಕೆ ನೀಡಿದ್ದಾರೆ. ಇದಕ್ಕೆ ನಾಂದಿ ಹಾಡಿದ್ದು ವಿವಿಎಸ್ ಲಕ್ಷ್ಮಣ್. ಅವರು ಮಿಶ್ರಾ ತಮ್ಮ 33 ನೇ ವಯಸ್ಸಿನಲ್ಲೂ ಫಿಟ್ಆಗಿದ್ದಾರೆ ಮುಂದೆಯೂ ಫಿಟ್ ನೆಸ್ ಕಾಯ್ದಕೊಳ್ಳಬೇಕಿದೆ ಎಂದರು.

ಅದಕ್ಕೆ ಪ್ರತಿಕ್ರಿಯಿಸಿದ ಸೆಹ್ವಾಗ್ ಅಧಿಕೃತವಾಗಿ ಅವರಿಗೆ 33 ವರ್ಷವಿರಬಹುದು ಆದರೆ ನಿಜವಾಗಿ ಅವರ ವಯಸ್ಸು 35, 36 ಅಥವಾ 38 ಆಗಿದ್ದರೂ ಇರಬಹುದು. ಎರಡು ವರ್ಷ ವ್ಯತ್ಯಾಸವಿರುವುದರಲ್ಲಿ ಸಂಶಯವಿಲ್ಲ ಎಂದು ತಮ್ಮ ಜತೆಗಾರರಾಗಿದ್ದ ಆಕಾಶ್ ಚೋಪ್ರಾ ಮತ್ತು ಲಕ್ಷ್ಮಣ್ ಗೆ ಹೇಳುತ್ತಾರೆ.

ಜತೆಗೆ ತಾನೂ ಹಾಗೆ ಮಾಡಿರಬಹುದು. ಎಲ್ಲರೂ ತಮ್ಮ ನಿಜ ವಯಸ್ಸನ್ನು ಮುಚ್ಚಿಟ್ಟು ಕ್ರಿಕೆಟ್ ಗೆ ಬೇಕಾಗಿ ವಯಸ್ಸು ಬದಲಾಯಿಸುವುದು ಕಾಮನ್ ಎಂದು ವಿವಾದಾತ್ಮಕವಾಗಿ ಹೇಳಿಕೆ ನೀಡಿದ್ದಾರೆ. ಹಿಂದೊಮ್ಮೆ ಶೇನ್ ವಾರ್ನ್ ಕೂಡಾ ಕಾಮೆಂಟರಿ ಮಾಡುವಾಗ ಭಾರತದ ಮುನಾಫ್ ಪಟೇಲ್ ವಯಸ್ಸು ತಿರುಚಿದ ಸಂಗತಿಯನ್ನು ಬಹಿರಂಗಗೊಳಿಸದ್ದನ್ನು ಇಲ್ಲಿ ಸ್ಮರಿಸಬಹುದು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ