ಪುಣೆ: ವಿರಾಟ್ ಕೊಹ್ಲಿ ವಿಕೆಟ್ ಪಡೆಯುವುದೆಂದರೆ ಯಾವುದೇ ಬೌಲರ್ ಗೂ ದೊಡ್ಡ ಬ್ರೇಕ್ ಇದ್ದಂತೆ. ಆದರೆ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುವ ಟೀಂ ಇಂಡಿಯಾ ಸ್ಪಿನ್ನರ್ ರವೀಂದ್ರ ಜಡೇಜಾ ಮಾತ್ರ ಸೆಲೆಬ್ರೇಟ್ ಮಾಡದೇ ತಣ್ಣಗೆ ನಿಂತರು!
ರಾಯಲ್ ಚಾಲೆಂಜರ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ರವೀಂದ್ರ ಜಡೇಜಾ ಮೊದಲ ಎಸೆತಕ್ಕೇ ವಿರಾಟ್ ಕೊಹ್ಲಿಯನ್ನು ಕ್ಲೀನ್ ಬೌಲ್ಡ್ ಔಟ್ ಮಾಡಿದರು. ಈ ಸಂದರ್ಭದಲ್ಲಿ ಜಡೇಜಾ ಸಂಭ್ರಮಿಸಲೇ ಇಲ್ಲ. ಅತ್ತ ಕೊಹ್ಲಿ ಮಾತ್ರ ಜಡೇಜಾ ಕಡೆ ಉರಿನೋಟ ಬೀರುತ್ತಾ ಪೆವಿಲಿಯನ್ ಗೆ ಸಾಗಿದರು.
ಇದರ ಬಗ್ಗೆ ಟ್ವಿಟರ್ ನಲ್ಲಿ ಅಭಿಮಾನಿಗಳು ಜಡೇಜಾ ಕಾಲೆಳೆದಿದ್ದಾರೆ. ಹೋಗಿ ಹೋಗಿ ರಾಷ್ಟ್ರೀಯ ತಂಡದ ಕ್ಯಾಪ್ಟನ್ ನನ್ನು ಔಟ್ ಮಾಡಿ ಸೆಲೆಬ್ರೇಟ್ ಮಾಡಕ್ಕಾಗುತ್ತಾ? ಮೊದಲ ಎಸೆತಕ್ಕೇ ಕ್ಯಾಪ್ಟನ್ ನನ್ನು ಔಟ್ ಮಾಡಿದೆಯಲ್ಲಾ? ನಿನಗಿನ್ನು ಟೀಂ ಇಂಡಿಯಾ ಬಾಗಿಲು ಮುಚ್ಚೋದು ಗ್ಯಾರಂಟಿ ಎಂದು ಜಡೇಜಾ ಕಾಲೆಳೆದಿದ್ದಾರೆ.
ಇದರ ಬಗ್ಗೆ ಪಂದ್ಯದ ನಂತರ ಪ್ರತಿಕ್ರಿಯಿಸಿದ ಜಡೇಜಾ ‘ಇದು ನನ್ನ ಮೊದಲ ಬಾಲ್ ಆಗಿತ್ತು ಮತ್ತು ನಾನು ಸಂಭ್ರಮಿಸಲು ತಯಾರಾಗಿರಲೇ ಇಲ್ಲ. ವಿರಾಟ್ ವಿಕೆಟ್ ಯಾವತ್ತೂ ದೊಡ್ಡದೇ’ ಎಂದಿದ್ದಾರೆ. ಅದೇನೇ ಇರಲಿ ಟ್ವಿಟರಿಗರಿಗೆ ಮಾತ್ರ ಜಡೇಜಾ ವರ್ತನೆ ತಮಾಷೆಯ ವಸ್ತುವಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
