ಮೂರನೇ ಟೆಸ್ಟ್: ಭಾರತ 353 ಆಲೌಟ್, ವಿಂಡೀಸ್ 107ಕ್ಕೆ 1

ರವಿಚಂದ್ರನ್ ಅಶ್ವಿನ್ ಮತ್ತು ವೃದ್ಧಿಮಾನ್ ಸಹಾ ಶತಕಗಳನ್ನು ಗಳಿಸಿದ ನಂತರ ಭಾರತ ಕೆಳಕ್ರಮಾಂಕದ ಬ್ಯಾಟಿಂಗ್ ಕುಸಿತ ಅನುಭವಿಸಿ 353ಕ್ಕೆ ಆಲೌಟ್ ಆಗಿದೆ. ಭಾರತ ಐದು ವಿಕೆಟ್‌‍ಗಳನ್ನು ಎರಡನೇ ಸೆಷನ್‌ನಲ್ಲಿ 37 ರನ್ ಅಂತರದಲ್ಲಿ ಕಳೆದುಕೊಂಡಿತು.

ಅಶ್ವಿನ್ (118) ಮತ್ತು ಸಹಾ(104) ಕ್ರೀಸಿನಲ್ಲಿದ್ದಾಗ ಪ್ರವಾಸಿ ತಂಡ ಇನ್ನಷ್ಟು ದೊಡ್ಡ ಮೊತ್ತವನ್ನು ಸ್ಕೋರ್ ಮಾಡುವ ನಿರೀಕ್ಷೆಯಿತ್ತು. ಆದರೆ ಸಹಾ ಔಟಾದ ಬಳಿ 213 ರನ್ ಜತೆಯಾಟ ಕೊನೆಗೊಂಡಿತಲ್ಲದೇ ದಿಢೀರ್ ಬ್ಯಾಟಿಂಗ್ ಕುಸಿತಕ್ಕೆ ಆಸ್ಪದವಾಯಿತು.

 ವೆಸ್ಟ್ ಇಂಡೀಸ್ ಭಾರತದ ಮೊದಲ ಇನ್ನಿಂಗ್ಸ್ ಸ್ಕೋರಿಗೆ ಉತ್ತರವಾಗಿ 107ಕ್ಕೆ ಒಂದು ವಿಕೆಟ್ ಕಳೆದುಕೊಂಡು 246 ರನ್ ಹಿಂದುಳಿದಿದೆ. ಕ್ರೈಗ್ ಬ್ರಾತ್‌ವೈಟ್(53 ನಾಟೌಟ್) ಮತ್ತು ಡೆರನ್ ಬ್ರೇವೊ(18 ನಾಟೌಟ್) ಉತ್ತಮ ಬ್ಯಾಟಿಂಗ್‌ನಿಂದ ತಂಡಕ್ಕೆ ಭರವಸೆಯ ಆರಂಭ ಒದಗಿಸಿಕೊಟ್ಟರು.

ಲೋಕೇಶ್ ರಾಹುಲ್ ಶಮಿ ಬೌಲಿಂಗ್‌ನಲ್ಲಿ ಜಾನ್ಸನ್ ಕ್ಯಾಚನ್ನು ಬಿಟ್ಟು ಜೀವದಾನ ನೀಡಿದ್ದರು. ಬಳಿಕ ಮಿಡ್‌ವಿಕೆಟ್‌ನಲ್ಲಿದ್ದ ರಾಹುಲ್ ವೇಗವಾಗಿ ಚೆಂಡನ್ನು ವಿಕೆಟ್‌ಗೆ ಗುರಿ ಇಟ್ಟು ಹೊಡೆದಿದ್ದರಿಂದ ಜಾನ್ಸನ್ ಅವರು 24ನೇ ಓವರಿನಲ್ಲಿ ಪೆವಿಲಿಯನ್ ಹಾದಿ ಹಿಡಿದರು.

ಭಾರತ ಮೊದಲ ಇನ್ನಿಂಗ್ಸ್ 353ಕ್ಕೆ 10 ವಿಕೆಟ್

ಬ್ಯಾಟಿಂಗ್ ವಿವರ

ಮೊದಲ ಇನ್ನಿಂಗ್ಸ್

ಲೋಕೇಶ್ ರಾಹುಲ್ 50 ರನ್, ಅಜಿಂಕ್ಯ ರಹಾನೆ 35, ರವಿಚಂದ್ರನ್ ಅಶ್ವಿನ್ 118, ವೃದ್ಧಿಮಾನ್ ಸಹಾ 104

 ವಿಕೆಟ್ ಪತನ

9-1 (ಶಿಖರ್ ಧವನ್, 2.3), 19-2 (ವಿರಾಟ್ ಕೊಹ್ಲಿ, 5.3), 77-3 (ಲೋಕೇಶ್ ರಾಹುಲ್, 19.3), 87-4 (ರೋಹಿತ್ ಶರ್ಮಾ, 25.6), 126-5 (ಅಜಿಂಕ್ಯ ರಹಾನೆ, 49.3), 339-6 (ವೃದ್ಧಿಮಾನ್ ಸಹಾ, 121.5), 351-7 (ರವೀಂದ್ರ ಜಡೇಜ 127.1), 353-8 (ಭುವನೇಶ್ವರ ಕುಮಾರ್, 128.6), 353-9 (ರವಿಚಂದ್ರನ್ ಅಶ್ವಿನ್, 129.1), 353-10 (ಇಶಾಂತ್ ಶರ್ಮಾ, 129.4)

 ಬೌಲಿಂಗ್ ವಿವರ

ಶಾನನ್ ಗ್ಯಾಬ್ರಿಯಲ್  2 ವಿಕೆಟ್, ಅಲ್ಜಾರಿ ಜೋಸೆಫ್ 3, ಕಮ್ಮಿನ್ಸ್ 3, ರೋಸ್ಟನ್ ಚೇಸ್ 2 ವಿಕೆಟ್

ವೆಸ್ಟ್ ಇಂಡೀಸ್ ಮೊದಲ ಇನ್ನಿಂಗ್ಸ್, 107ಕ್ಕೆ 1 ವಿಕೆಟ್

ಕ್ರೇಗ್ ಬ್ರಾತ್ ವೈಟ್ 53, ಜಾನ್ಸನ್ 23, ಡೆರೆನ್ ಬ್ರೇವೊ 18

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ