Publish Date: Mon, 06 Jul 2026 (10:33 IST)
Updated Date: Mon, 06 Jul 2026 (10:41 IST)
ಭಾರತೀಯ ಕ್ರಿಕೆಟ್ನ ಉದಯೋನ್ಮುಖ ತಾರೆ, ಕೇವಲ 15 ವರ್ಷದ ವೈಭವ್ ಸೂರ್ಯವಂಶಿ ಅವರು ಮೈದಾನದ ಹೊರಗೆ ತಮ್ಮ ಸರಳತೆ ಹಾಗೂ ವಿನಮ್ರತೆಯ ಮೂಲಕ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ.
ಇತ್ತೀಚೆಗೆ ನಡೆದ ಘಟನೆಯೊಂದರಲ್ಲಿ, ಅಭಿಮಾನಿಯೊಬ್ಬರು ವೈಭವ್ ಅವರ ಬಳಿ ಬಂದು ಆಟೋಗ್ರಾಫ್ ಕೇಳಿದ್ದಾರೆ. ವೈಭವ್ ಸಹಿ ಹಾಕಲು ಹೋದಾಗ ಆ ಪೆನ್ ಸರಿಯಾಗಿ ಕೆಲಸ ಮಾಡಿಲ್ಲ. ಸಾಮಾನ್ಯವಾಗಿ ಇಂತಹ ಸಂದರ್ಭಗಳಲ್ಲಿ ಸೆಲೆಬ್ರಿಟಿಗಳು ಅಥವಾ ಆಟಗಾರರು ಅಲ್ಲಿಂದ ಮುಂದೆ ಸಾಗುವುದು ಉಂಟು. ಆದರೆ ವೈಭವ್ ಹಾಗೆ ಮಾಡಲಿಲ್ಲ. ಆ ಅಭಿಮಾನಿಗೆ ನಿರಾಶೆ ಮಾಡಬಾರದು ಎಂಬ ಕಾರಣಕ್ಕೆ, ಅವರು ಅಲ್ಲಿಂದ ಕದಲದೆ ತಾಳ್ಮೆಯಿಂದ ನಿಂತು, ಮತ್ತೊಂದು ಪೆನ್ ಬರುವವರೆಗೆ ಕಾಯ್ದು, ನಂತರ ಆಟೋಗ್ರಾಫ್ ನೀಡಿ ಅಭಿಮಾನಿಯ ಮುಖದಲ್ಲಿ ನಗು ಮೂಡಿಸಿದ್ದಾರೆ.
ಕೇವಲ 15 ವರ್ಷ ವಯಸ್ಸಿನ ಈ ಯುವ ಆಟಗಾರ, ಐಪಿಎಲ್ ಹರಾಜಿನಲ್ಲಿ ಕೋಟಿ ಮೊತ್ತಕ್ಕೆ ಪ್ರಮುಖ ಫ್ರಾಂಚೈಸಿಗೆ ಆಯ್ಕೆಯಾಗಿ ದೇಶಾದ್ಯಂತ ಭಾರಿ ಸಂಚಲನ ಮೂಡಿಸಿದ್ದರು. ಇಷ್ಟು ಚಿಕ್ಕ ವಯಸ್ಸಿಗೆ ಸಿಕ್ಕ ಅಪಾರ ಜನಪ್ರಿಯತೆ ಹಾಗೂ ಯಶಸ್ಸಿನ ನಡುವೆಯೂ, ವೈಭವ್ ಅವರಲ್ಲಿ ಯಾವುದೇ ಅಹಂಕಾರ ಇಲ್ಲದಿರುವುದು ಅವರ ಈ ನಡವಳಿಕೆಯಿಂದ ಸಾಬೀತಾಗಿದೆ.
ವೈಭವ್ ಅವರ ಈ ಸರಳತೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗುತ್ತಿದ್ದು, "ವಯಸ್ಸು ಕೇವಲ 15, ಆದರೆ ಅವರ ವಿನಮ್ರತೆ ಮತ್ತು ನಡವಳಿಕೆ ಹಿರಿಯ ಆಟಗಾರರಂತೆ ಅತ್ಯಂತ ಪ್ರಬುದ್ಧವಾಗಿದೆ," ಎಂದು ಕ್ರಿಕೆಟ್ ಪ್ರೇಮಿಗಳು ಶ್ಲಾಘಿಸುತ್ತಿದ್ದಾರೆ.
ಮೈದಾನದಲ್ಲಿ ತಮ್ಮ ಬ್ಯಾಟಿಂಗ್ ಮೂಲಕ ಅಬ್ಬರಿಸುವ ವೈಭವ್, ಮೈದಾನದ ಹೊರಗೆ ತಮ್ಮ 'ಡೌನ್ ಟು ಅರ್ಥ್' ಗುಣದಿಂದಾಗಿ ಭಾರತೀಯ ಕ್ರಿಕೆಟ್ನ ಮುಂದಿನ ಭರವಸೆಯ ನಾಯಕನಾಗಿ ಹೊರಹೊಮ್ಮುವ ಎಲ್ಲಾ ಲಕ್ಷಣಗಳನ್ನು ತೋರಿಸುತ್ತಿದ್ದಾರೆ.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
