ಕ್ರಿಕೆಟ್ ಅಧಿಕಾರಿಗಳ ವಿರುದ್ಧ ಪೊಲೀಸ್ ಕಂಪ್ಲೇಟ್

ಹೈದರಾಬಾದ್: ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ ನ ಹಲವು ಅಧಿಕಾರಿಗಳ ವಿರುದ್ಧ ಅಧಿಕಾರ ದುರ್ಬಳಕೆ ಮಾಡಿದ್ದಾರೆಂದು ಆರೋಪಿಸಿ  ಚುನಾವಣಾ ಆಯೋಗದ ಮಾಜಿ ಮುಖ್ಯಸ್ಥ ಟಿ. ಶೇಷ ನಾರಾಯಣ ಪೊಲೀಸರಿಗೆ ದೂರು ನೀಡಿದ್ದಾರೆ.

ಅರ್ಷದ್ ಆಯುಬ್, ಕೆ. ಜಾನ್ ಮನೋಜ್, ಆರ್. ದೇವರಾಜ್, ಪುರುಷೋತ್ತಮ ಅಗರ್ವಾಲ್, ಅದ್ನಾನ್ ಮೆಹಮೂದ್, ಪಿ. ಯಾದಗಿರಿ, ಸೂರ್ಯ ಜೆ ಪ್ರಕಾಶ್ ಎಂಬ ಅಧಿಕಾರಿಗಳ ವಿರುದ್ಧ ಉಬರ್ ಠಾಣೆಯಲ್ಲಿ ಶೇಷ ನಾರಾಯಣ ದೂರು ನೀಡಿದ್ದಾರೆ.

ಈ ಅಧಿಕಾರಿಗಳು ಅಕ್ರಮವೆಸಗಿದ್ದಲ್ಲದೆ, ದಾಖಲೆಗಳನ್ನು ಸೃಷ್ಟಿಸಿ, ಸಾರ್ವಜನಿಕ ಹಣವನ್ನು ದುರ್ಬಳಕೆ ಮಾಡಿದ್ದಾರೆಂದು ಅವರು ಆರೋಪಿಸಿದ್ದಾರೆ. ಇವರ ವಿರುದ್ಧ ತನಿಖೆಗೆ ಈ ಮೊದಲು ಬಿಸಿಸಿಐ ಡೆಲೋಟಿ ಎಂಬವರ ನೇತೃತ್ವದಲ್ಲಿ ಸಮಿತಿ ನೇಮಕ ಮಾಡಿ ತನಿಖೆ ನಡೆಸಲು ಸೂಚಿಸಿತ್ತು. ಆ ಸಮಿತಿ ಈ ವರ್ಷ ಮಾರ್ಚ್ ನಲ್ಲಿ ತನ್ನ ವರದಿ ಸಲ್ಲಿಸಿತ್ತು. ಆದರೆ ಇದು ತೃಪ್ತಿ ತರದ ಹಿನ್ನಲೆಯಲ್ಲಿ ಶೇಷ ನಾರಾಯಣ್ ಪೊಲೀಸರ ಮೊರೆ ಹೋಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ